نـبـشـتـانـک : مَـنـی وَتـن ءَ جُـپـتـے چَـمـپَـل ءِ اَرزِشـت نـیـسـت.
نـبـشـتـانـکـار : مـحـمـد الـمـاغـوط .
رجـانـکـار : ادبـی هَـکـیـم
-------------------------------------------------------------
کـازی : نـوں لَـرزیـنَـگ ءُ اَرس ءِ ریـچَـگ بَـس اِنـت سَـوگِـنـد بُـوَر کـہ تـو راسـت گـوَش ئـے ءُ دروگ نـہ بَـنـدئـے .
گـُـنـاهـکـار : سَـوگِـنـد وَرآں واجَـہ.
کـازی : وَتـی دَسـت ءَ کـُـرانءِ سَـرءَ اِیـر بـہ کـَـن ءَ سَـوگِـنـد بُـوَر.
گـُـنـاهـکـار : جـی شَـرّاِنـت واجَـہ .
کـازی : تـو مـاں اِے دَرگـَـت ءَ ءُ اِے روچ ءَ مـاں مُـلـک ءِ مَـیـدان ءُ پـڈاں جـار جَـتَـگ ءُ گـوَشـتَـگ مـنـی وَتـن ءَ جُـپـتـے چَـمـپَـل ءِ اَرزِشـت نـیـسـت؟
گـُـنـاهـکـار : جـی هَـو واجَـہ مـن هَـنـچـو گـوَشـتَـگ.
کـازی : تـو کـارگـَـر ءُ دِهـکـانـانـی دیـم ءَ هَـنـچـو گـوَشـتَـگ؟
گـُـنـاهـکـار : جـی هَـو واجَـہ .
کـازی : تـو بـامَـردانـی بُـتـان ءِ دیـم ءَ ءُ مـاں شـهـیـدانـی کـَـبـرسـتـان ءَ هَـنـچـو گـوَشـتَـگ ؟
گـُـنـاهـکـار : جـی هَـو واجَـہ .
کـازی : تـو وَتـن ءِ سَـرمَـچـار ءُ کـُـوَهـنـیـں زَمـانَـگ ءِ جَـنـگـولانـی دیـم ءَ هَـنـچـو گـوَشـتَـگ ؟
گـُـنـاهـکـار : جـی هَـو واجَـہ .
کـازی : تـو دَرمُـلـکـی مِـهـمـان ءُ دَرمُـلـکـی سَـیـل چـاروکـانـی دیـم ءَ هَـنـچـو گـوَشـتَـگ؟
گـُـنـاهـکـار : جـی هَـو واجَـہ .
کـازی : تـو مُـلـکـی ءُ دَرمُـلـکـی هـال رَسـانـانـی دیـم ءَ هَـنـچـو گـوَشـتَـگ؟
گـُـنـاهـکـار : جـی هَـو واجَـہ .
کـازی : وَتَـن زَهـگـانـی واهَـگ ءِ وَشّـیـں واب اِنـت ، پـیـریـنـانـی یـاتـداشـت اِنـت ، وَرنـایـانـی گـَـم اِنـت ، زوراک ءُ تَـمـاهـدارانـی کـبـرسـتـان اِنـت ، مـال ءُ جـان ءِ کـَـولـیـگ دَیُـوک اِنـت ءُ تـئـی گـُـمـان ءَ آئـیءَ جُـپـتـے چَـمـپَـل ءِ اَرزِشـت هَـم نـیـسـت ، پَـرچـے ؟!!!... پَـرچـے ؟!!!..
گـُـنـاهـکـار : پَـمـش ءَ کـہ مَـن شـپـاد آں ءُ مـن ءَ پـاد کـنَـگ ءَ جُـپـتـے چَـمـپَـل نـیـسـت !!!!.....
[/b]
