آزمـانـک : اِے زَمـانَـگ ءِ بـی بـی هَـوا

[Adabi Hakim ادبی ھکیم]

آزمـانـک : اِے زَمـانَـگءِ بـی بـی هَـوا
نـبـشـتـانـکـار : ادَبـی هَـکـیـم
بَـس رَوَگءَاَت ءُ راه ءِ مُـسـاپـراں یَـک ءُ یَـکءَ سـوار کـنَـگءَاَت ، وَرنـایـے آتـک ءُ مـنـی کـَـشءَ نِـشـت ، بَـس کـہ دیـمـتـرا شُـت یَـک وَشّـرنـگـیـں کـاڑے بَـسءَ سُـوار بـوُت نـوں مـاں بَـس ءَ دگـے هـالـیـکـّـیـں کـُـرسی پَـشـت نـہ کـپـتَـگ اَت بـلـئـے درُهـیـں مَـردیـنـانـی چَـمّ کـاڑ ءِ سَـرءَ سَـکّ بـوُت اَنـت هَـرچ مَـردیـنـےءَ واهَـگ بـوُت کـہ کـاڑءَ وَتـی جـاگـَـہ ءَ بـہ نِـنـدیـن ایـت بـلـئـے کـاڑءَ کـَـس ءَ تَـمـاهـی نـہ کـُـرت آ آتـک ءُ مـنـی کـَـشءِ وَرنـا ءِ گـوَرا اوشـتـات وَرنـا پـہ ادَب پـاداتـک ءُ کـاڑ ءِ وَتـی جـاگـَـہءَ ءُ مـنـی کـَـش ءَ نِـنـداِیـنـت کـاڑءِ اَتـر ءُ زَبـادانـی وَشـیـں بـو ءُ آئـیءِ پُـهـتَـگـیـں وَرنـائـی جـانءِ هِـیـدانـی بـو ءَ مـن ءَ بـے سَـمـاه کـُـرت بـلـئـے رَنـدا کـہ بَـس رِهـادَگ گِـپـت گـوات ءَ آ وَشّـیـں بـو مـاں بَـس ءِ پَـهـنـات ءَ شِـنـگ ءُ تـالاں کـُـرت کـَـلاکـے ءَ رَنـد بَـس شَـهـرءِ نَـزّیـکءَ رَس اِت بَـسءِ واگـدارءَ بَـس ءَ یَـک کِـرّے اوشـتـاریـنـت آئـیءَ جـار جَـت ءُ گـوَشـت آ کـَـس کـہ کـُـرسـیءِ سَـرءَ نـہ نِـشـتَـگ جَـهـلءَ ایـر بـہ کـپ ایـت دیـمـا پـولـیـس اوشـتـاتـگ مـنـی بَـسءَ چـالان کـنـت کـاڑ ءَ جـار جَـت ءُ گـوَشـت ، واگـدار ، اِے وَرنـا کـُـرسـیءِ سـرءَ نـہ نِـشـتَـگ !!!... وَرنـا ءَ کـاڑ ءِ نِـیـمَـگءَ چـاراِت ءُ پَـدا آئـیءَ مـنـی نـیـمَـگءَ چـاراِت ءُ گـوَشـت اِشـیءِ بَـلّـُـکءَ مـنـی پـیـرُک چـہ جَـنّـت ءِ گـلـبـاگ ءَ کـَـشّ اِتَـگ ءُ جَـهـل ءَ دَور داتَـگ نـوں مَـنـی بـاریـگ آتـکـَـگ.

[/b]

[Zahida Raees Raji]

سلام ءُ دروت برات ادبی ھکیم
باز جوانیں کسّہ یے شما دیم ءَ یاورتگ ۔ برے برے نیکی انچوش مردم ءِ گُٹ ءِ لوپ بنت ۔ ھاوند وت چَہ چوشیناں نگاہ دارآت ۔
سلامت بات ات