بَلوچی زبانءِ وانَگءُ نُبیسّگ
دلـگـوش:
اے دوازدَهـیـں آب ( حـروف ) مـاں بـلـوچـی زُبـان ءَ کـارمَـرز نَـہ بَـنـت اے آب (حـروف) ایـوَک ءَ پَـہ نـامـانـی نُـبـیـسّـگ ءَ کـارمَـرز بَـنـت.
ث ، ح ، خ ، ذ ،ص ، ض ، ط ، ظ ، ع ، ع ، ف ، ق ،
عربي ........................ بلوچی هَمتوار
ث ، ص ............................. س
ح ، خ ......................... .......هـ
ذ ، ض ، ظ .......................... ز
ط ............................ .........ت
ع ............................ ..........ا
غ ............................. ........گ
ف ............................ ........پ
ق ............................. .......ک
--------------------------------------------------------------
اے آبـاں نُـبـشـتـانـک ءِ سُـریـنـوک اَنـت.
" َ" زَبَـر » سَـرَگ ، بَـرَگ ، مَـدَگ.
" ِ " زیـر » پِـت ، گِـسِـر ، گِـس..
" ُ " پـیـش » پُـر سُـر نُـکُـت. .
" ّ " ڈکّ » پُـرّ بُــرّ جَــٹّ .
. " ا " دراج کَـشّـیـں (الـپ) بـازار ، بـاگـاڑ .
. " آ " آ هـانُـل اِنـت.
. " ءَ " هَـمـزَه ءُ زَبَـر » کـتـاب ءَ بـیـار .
. " ءِ " هَـمـزَه ءُ زیـر » درَچـک ءِ تـاک.
" ءُ " هَـمـزَه ءُ پـیـش » مَـن ءُ تـو. .
" ء " هَـمـزَه » پـلانـی سَـر ء وَت نَـہ اِنـت.
اَنـت : اِے چے اَنـت.
اِنـت : دَریـا جُـهـل اِنـت.
ایـت : اِے لـوگ مـئے سَـرا کَـپ ایـت.
او : او مُـلکءِ مَـردُمـاں گـوش داراِت.
اوه : اوه پـلانـی بـات - اوه پَہ چُشیں موٹل بات.
ایـش : سَـبَـک ایـش اِنـت كـہ نـوُری وانَـگءَاِنـت ، كـار ایـش اِنـت کـہ دادَل کـنَـگءَاِنـت.
اَے : اَے مَـرد چـو مَـکَـن تـئـی چُـکّ بَـزّگ بَـنـت.
اِے : اِے مَـردَک کَـے اِنـت .
اِه : اِه مَـردَک راهءَ بـچـارءُ بُـرو .
وَ : مَـن وَ نَـہ رَوان .
ئَے : تـو پَـزّورئَے ، آ لاگـَراِنـت.
اِت : سَـراِت پـرُشّ ایـت.
اَت : آ کَے اَت.
ئے : پَـس ئے بُـرت » اِدءَ هَــمـزَه ءِ چـیـرا زیـرے کَـیـت بَـلَے آ فـونـٹ مَـنـی گـورا نـیـسـت.
اِش : داراِش پـروشـت اَنـت.
ے : یَـک مَـردُمـے.
یـے : یَـک نـمـدی یـے ، اے چـونـیـں دوری یـے .
ی : دِلـی دوسـت .
یـں : شَـرّیـں چُـکّ.
اِیـں : مـا رَوَگءَایـں .
-----------------------:-
بـِہ : هَـیـبَـتـان هَـنچـیـں کـَرّے کِـہ بـِہ سَـرپَـد نَـہ بـیـت.
مَہ : هَـرچ هـونـڈےءَ دَسـت مـاں مَـہ کَـن.
نَـہ : گوَراگ کَبگ ءِ رَواج ءَ نَـہ رَوت.
پَـہ : پَـہ مَـنـی وَدارءَ مَـہ نِـنـد.
چَـہ : چَـہ مَـن هِـچّ اُمـیـت مَـہ کَـن .
چـِہ : اے چـِہ کـارے بـوُت کِـہ تـو کُـرت .
مروچیگیں دَروَنت (سَبَک) (دَرس) - بُـنـرَهبـَنـد ءِ رَهشونی (راهنمائی دستور زبان).
اولـی بَـهـر ( قـسـمـت اول).
------------------------------------------------------------------------------
مَـزار ءُ دادیـن ءُ لَـشـکَـری واجَـہ هَـیـبَـتـان ءُ اِزبـوتـک ءِ زَهـگ اَنـت.
مَـزار سَـیـمـی رِد (کَـلاس) دادیـن دومـی رِد (کَـلاس ) لَـشـکَـری اولـی رِد ( کَـلاس ) ءَ وانَـگ ءَ اَنـت.
مَـزار ءَ وانَـگ پَـسُـنـد اِنـت دادیـن ءَ لَـیـب ءُ گـوازی ءِ واهِـش هَـسـت لَـشـکَـری ءَ وانَـگ ءِ سُـدّ ءُ سَـمـاه نِـیـسـت .
واجَـہ هَــیـبَـتـان ءَ وَتـی رَمَـگ ءُ گـورُم ءِ پـگـراِنـت.
اِزبـوتـک گـوں وَتـی لـوگ ءِ کـاراں دلـگـوش اِنـت.
وانـیـنـوک(مُـعَـلـم) ءَ زَهـگـانـی دیـمـرَوی (مـسـتـقـبـل ) ءِ گـَم پـراَنـت.
مـیـتَـگ ءِ مَـهـلـوُک ءِ چَـمّ گـوں هَـیـبَـتـان ءِ زَهـگـاں سَکّ اَنـت کـہ آ یَـک روچـے ءَ رُداَنـت ءُ زانـتـکـار بَـنـت ءُ مـارا چَـہ زوراکـانـی گـاس ءَ رَکّـیـن اَنـت.
* مَـزار سُـهـب ءَ مـاهَـلّـہ چَـہ واب ءَ پـاداتـک آئـی ءَ وَتـی دَسـت ءُ دیـم شُـشـت اَنـت رَنـدا آئـی ءَ دَپـبـوج ءَ نَگَـنءُ چـاه وارت آئـی ءَ وَتـی شُــشـتَـگـیـں گـُـد گـوَرا کُـرت اَنـت رَنــدا آئـی ءَ وَتـی کـتـاب سَـرجـمـی ءَ زُرت اَنـت ءُ دیـم پَـہ وانَـگـجـاهی مـوکَــلّ اِت.
* دادیـن سُـهـب ءَ دیـر چَـہ وابءَ پـاداتـک وانَـگـجـاهی رَوَگءِ وَهــد بـاز کَـمّ اَت آئـیءَ هـچّ کـارے کُـت نَـہ کُـرت آئـیءِ دَسـتءُ دیـم شـودَگ نَـہ بـوُت اَنـت گـُـد آئـی ءَ مـاں زیـکّـیـں روچ ءَ گـوازی کُـرتَـگ ءُ سِــلّ کُـرتَـگ اِت اَنـت دپـبـوج وَرَگے وَهــد نـیـسـت اَت آئـی ءِ کـتـاب لـوگ ءِ اے گـوَرءُ آ گـوَرا رِهـتءُ ریـچ اِت اَنـت گـوں اِشـتـاپـیـں رَوَگ ءَ آئـی ءَ نَـہ زانـت کـہ کُـجـام کـتـاب بَـرَگ بـوُت ءُ کُـجـام کـتـاب پَـشـت کَـپـت آ هَـنـچـو دیـم پَـہ وانـگـجـاه ءَ مـوکَـلّ اِت.
* لَـشـکـری وَتـی مـات ءِ لاپـشـود اَت مـات ءَ آئـی ءَ سَـکّ بـاز نـازگَـل کُـرتَـگ اَت بـراتـانی رَوَگ ءَ رَنـد مـات ءَ پَـہ هَـزار نَـدرءُ کَـولـیـگ چـہ واب ءَ پـاد کُـرت آ گـوں نـیـم وابـیـں چـمّـاں چَـہ لـوگ ءَ دَرکَـپـت ءُ وانَـگـجـاه ءَ شُـت.
* هَـیـبَـتـان مـاں گـوَربـام ءَ وَتـی رَمَـگ ءُ گـورُم زُرتَـگ ءُ شُـتَـگ اَت آئـیءَ وَتـی لـوگ ءِ گـَمے پــر نَـہ اَت.
* اِزبـوتـک ءَ نـگَـن ءُ چـاهـے وارت ءُ رَنــدا گـنـدَلانـی پـِیـچَـگ ءَ گـُلائـیـش بـوُت .
*********
زَهـگ وانَـگـجـاه ءَ آتـک ءُ سَـر بـوُت اَنـت.
نـوں سَـیـمی رد ءِ وانـیـنـوک ( مـعـلـم ) ءَ چَـہ زَهـگـاں جُـسـت ءُ پَـد بُـنـگـیـج کُـرت.
دلـگـوش : جَـهـل ءَ وانـیـنـوک ( مـعـلـم) ءُ وانـوک (شـاگـرد) ءِ دَرمـیـان ءَ جُـسـت ءُ پَـسّـو بَـیَـگءَاِنـت اے جُـسـت ءُ پَـسّـو بُـنـرَهـبَـنـد ( دسـتـور زبـان – گـرامَـر) ءِ بـاروا اَنـت ادا وانـیـنـوک ءُ وانـوک جَـهـل ءِ گـالانـی پَـجّـارءَ کـنَـگ ءَ اَنـت.
«----- مَـن ، تـو ، آ ، مـا ، شُـمـا ، آیـاں -----»
وانـیـنـوک : مَـزار مَـن تـرا چَـہ زیـکّـیـں دَروَنـت ءَ جُـسـت کـن اوں تـو مَـن ءَ پـسّـو بـہ دَے .
مَـزار : واجَـہ مَـن تَـیـاراوں .
وانـیـنـوک : مَـن چُـنـت کَـس اوں ؟.
مَـزار : تـو یَـکّ کَـسے ءِ .
وانـیـنـوک: تـو چُـنـت کَـس ئَے ؟.
مَـزار: مَـن یَـکّ کَـسے اوں.
پَـدا وانـیـنـوک ءَ یَـک زَهـگے دوُر اوشـتـا ایـنـت ءُ چَـہ مَـزارءَ جُـسـت کُـرت.
وانـیـنـوک : آ چُـنـت کَـس اِنـت؟.
مـزار : آ یَـکّ کَـسے .
وانـیـنـوک ءَ سَـے چـار وانـوک وَتـی کَـش ءَ اوشـتـا ایـنـت ءُ چـہ مَـزارءَ جُـسـت کُـرت .
وانـیـنـوک : مـا چُـنـت کَـس ایـں ؟.
مَـزار : شُـمـا بـاز کَـس اِت.
پَـدا وانـیـنـوک ءَ هَـمـا وانـوک مَـزارءِ کَـش ءَ اوشـتـا ایـنـت اَنـت ءُ آئـی ءَ چَـہ مَـزارءَ جُـسـت کُـرت.
وانـیـنـوک : مَـزار نـوں شـمـا چُـنـت کَـس اِت؟.
مَـزار: نـوں مـا بـاز کَـس ایـں .
پَـدا وانـیـنـوک ءَ سَـرجَـمـیـں زَهـگ یَـکّ کِـرّے ءَ اوشـتـا ایـنـت اَنـت ءُ آئـی ءَ چَـہ مَـزارءَ جُـسـت کُـرت.
وانـیـنـوک : آیـاں چُـنـت کَـس اَنـت؟.
مَـزار : آیـاں بـاز کـس اَنـت.
