Ho terE biabaN ki hawa tujh ko gawara
is dasht say behtar hay na Dilli na Bukhara
jis simt maiN chahay sifat-e-sail-e-rawaN chal
wadi yeh humari hay wo sehra bhi hamara
hasil kisi kamil say yeh poshida hunar kar
kehtay haiN kay sheeshay ko bana saktay haiN khara (granite)
ghairat hay bari cheez jehan-e-tagh-o-do maiN
pehnaAti hay darwesh ko taj-e-sar-e-daraa
afraad ke haatoN maiN hay aqwaam ki taqdeer
her fard hay millat kay muqaddar ka sitara
dunia ko hai phir marka-e-rooh-o-badan pesh
tehzeeb na phir apne darindoN ko ubhara
Allah ko hay pa mardi-e-momin pe bharosa
iblees ko europe ki machinoN ka sahara
Taqdeer-e-umam kia hay koi keh nahiN sakta
momin ki farasat ho to kafi hay ishara
Dr. Mohammad Iqbal
