چـُكانی ديوان تَرينوك : كريم بلوچ _ تَهل
پـُـگـُٹ و كاريـگـَر
٭٭٭٭٭٭٭٭٭٭٭٭
كسانيں پـُـگـُـٹـُـكے ، وتی پيريں پت ءَ كه تالاپ ءِ كِرّ ءَ نشتگ ات گوئشت :
- منی پـِت ! من يك بيمناكيں دِيهـِـے ديست ؛ چو كوه ءَ مَزَن ات ، كـَانٹی هم سَر ات ؛ دُمب ئی هم پـِر اَت ؛ پادانی ءَ سـُرُمب اَتت .
پيريں پت ءَ جواب دات :
- منی زَهگـَـلـُك ، اے كه تو ديستگ دِيهے نه بيتگ . كاريگر _ كائيگر _ ے بيتگ. كاريگر باز مزن نه انت. چه منا كمے مَستر انت . من هم توان اوں كه كاريگر ءِ كـَچ ءَ وتا مَزَن بكناں . لوٹ ئے من ترا پيش داراں .
اے گـَپ ءِ گون ءَ پيريں پـُـگـُٹ _ پـُـگـُـل _ وتا گوات كنان بيت و گوات كرت و گوات كرت و رندا چه كسانيں پگلی سوج كت :
- همينكس ات ؟
كسانيں پـُـگـُـٹـُـك كه بـِه مَنتَگ ات پسو دات :
- نه سَـكّ مَستر ات !
پيريں پـُگـُٹ اپدا وتا گوات كنان و گوات گران بيت و اپدا چه پـُگـَٹــَـلـُـك ئی جُست كت :
- چون بارين كاريگر همنكس ات ؟
اپدا كسانيں پـُـگـَـٹـَـلـُك كوكار كت :
- منی پت سكّ مَزَن تر ات . سَـكّ سـَـكّ .
پيريں پُگـُـٹ گین پُرّيں ساهے كـَش ات و گيشتر وتا گوات كنان بيت تا كه مَستر و مَستر بيت و رندا وتی چـُك ئی گوئشت :
- من دلجماں كه كاريگر چه اينكس ءَ گيشتر نه بيتگ .
انگت _ هنگت _ زهگ ءَ جواب نداتگ ات كه گوات گپتگيں پگٹ كه سك گوات بيتگ ات پَٹـّـِت و تـِركّ اِت .
چه اے گپ ءَ پـَـدَر بيت كه پرٹــُـول و وڑائيیں مَردُم كه وتا چه دگراں گهتر و شَرتِر زاننت ، آهانی رَدِيں كِرد ، آهانی گاری و تباهی ءِ سَوَب بيت .
