Author Topic: زند ۔ وت کُشی ۔ ناکو مراد ءِ نبشتانک ۔ ندر پہ باسک ءِ وانوکاں (Read 12079 times)

Zahida Raees Raji · « **on:** October 06, 2018, 09:05:03 AM »

زند ۔وت کُشی 1

الدنیا خلقت لکم
جھان پہ شما پیداگ کنگ بیتگ

چُک چم ء پچ کنت ء جھان ء کیت
لوگ ء شادانی بیت کہ زھگے بیتگ
زھگ رُدان کنت ء مزن بیت
زھگ ءلھتے واب وتی بنت
ءُ چیزے واب پت ء ماتاں دیستگ
ھمک انسان جھان ء اتکگ
پہ وت جھانے پیداگ کنگ ء جھد کنت
انسان ء تہ ء واجہ ھدا ء دو بود ء کمال چہ ابرم ء داتگ
بودناکی
بے تمبلی
گیچین انسانے دست ء انت کہ کجام چیز ء پہ وت
کیچین کنت
ھر وھدے کہ انسان بے تمبلی کشک ء گیچین کنت
چاگرد زبان پش لکوش ایت پلانی ء چُک نہ بیت
ایشی باریگ ءَ پت واب بہ کپتیں گھتر ات

انسان وھدے کہ پہ وت جھان ء جوڑ کنگ ءَ در کیت
آئی ء چاگرد گوم ء ھمگرنچی کنگ کپ ایت گوں مھلوک ء سنگتی ھم دیوانی ۔شریداری
چاگرد ءِ تبد ء لیوار
برز ء جھل
ھم. سگگ لوٹ انت

اے وھد ء جھان ء لوٹ گیش بیتگ انت
جھان تچان انت
دیمروی ء جھانے زلورت گیش کتگ انت
یک ٹُنگے بند بیت دگہ دہ پچ بنت
یک جنجالے نہ گیش اینتگ دومی سر چست کنت
وشی ءِ پیالہ دست انت پہ واست نوش ء ایر برگ
دنیگ ء ایر نہ برتگ ئے
اناگتین ھال وشیان. جور کنت
چوشین چیز انسان ء پروش دنت
ھمتانی کپگ ء سوب بیت ءُ جھان ءَ
دلبڈی دیوک ءُ دست. ء سر ء مُشوک مرتگ انت
یا کم انت ء بیگواہ انت
سوجکار وتی پایدگ ء چار. انت
بُڈّگ ءُ چیر زیر بوھگ ء سوج دیگ بیت
دست گروک ھم نیست
براتی راجی کمک ء میت کل کنگ بیتگ
انسانیت جننناوری ء بدل بوتگ
دومی نیمگ ءَ
چاگردی نادراھی ھم وتی سر ءَ کش انت.
وھد ھمش انت کہ اے منی ناکو زتک انت
گپّی نہ بیتگ مارا سلام نہ داتگ
مئے روچ اتکگ انت
آ ھم ران چیر. دے انت
کہ بہ کپ ایت پد ء پاد اتک مہ کنت
انسان آھر انسان انت سوچ ء پگرے ءَ
کپ ایت
وھدے کہ مردم چوشین جاوران سر بیت
کہ جھان ء دیمروی زلورت گیش بوتگ
آیا انسان پروش بہ وارت
وتی سلاھان دور بہ دنت
یا تبد ء لیوار ء جاورانی نازرکی ء نہ گیگی
ء پھمگ ء جھد ء بہ کنت

نپسیات ء زانتکار
(وکٹر فزانکل)
کہ واجکار ء نازیان زندان ءُ تکلیپانی وھد گوازینت

آ گوش ایت منی داوا انت کہ آ گپّے کہ انسان
نگیگین جاورانی تہ ءَ اوپار کنت
ءُ آئی یے ارادواں پھتہ کنت
آ ھما زانت انت کہ زند ءَ یک ھاسین مول ء مکسدے ھست
مول ء مکسد ءِ زانت انسان ء دلیر کنت
وھدے کہ انسان زند ء مکسد ء مول ء زانگ ء جھد ء کنت
لیکہ باز گندگ کیت
لھتے وت زند ء مکسد ء کشک ء در چنت
ء لھتے نیکراھی ء کشک ء راھی انت
ء لھتے"نظریہ ارتقاء" منوگر انت آ گوش انت
زند ء ھاسیں مکسد نیست
ھر کس وتی تب ء بندوک انت
آ زانت ء زانشت واھوند وتی زند ء کجام پیم ء گوازیں ایت آ بزانت

وھدے کہ ما چار ایں کہ جھان ء زلورت باز انت
ما یکیں پت ء چک ایں
آ ٹش ء پش انت
انسان زند ء بیزار بوھاں بیت
ھمے بیزاری یک تیلانکے وت کُشی نیمگ ءَ
آ ھچ نہ جیڑ ایت منی مرگے اے پیسلہ
منی ساہ دژمن
منی کھول ء پریشانی
چاگرد ء مئے بنّامی
سوب بنت
آوت کشی کنت
وت کشی
اے چیز ودّان ء گیش بوھاں انت
مستریں سوب چے انت
آیا مردم وتی ساہ ء وت واھوند انت
اسلام چے گوش ایت

روان انت

ناکو مُراد

Zahida Raees Raji · « **Reply #1 on:** October 06, 2018, 09:06:19 AM »

زند وت کشی 2

وت کُشی چوناہ ء تیوکی املے بوت کنت
ءُ رسم ء دودے ھم
جاور کہ نگیگ بنت وڑ وڑیں وت کشی کیس
بنت
انسان وھدے کہ لاچار بیت
سلاھان دور دنت
ڈک ءُ درکُل بنت بنت
گڑا آ ھمے پیسلہ کنت کہ وت کُشی ابید دگہ
راہ نیست وھدے کہ مردم گوستانک ء
چمشاانک دنت
وت کشی کیس باز بیتگ ءُ باز بوھگ انت
ازمکار بہ گر تان زانتکار
ھمک پڑے تہ ء وت کُشی کیس دیم اتکگ
لھتے جنگانی ء میدان ء لاچار بیتگ چہ
دژمن ء دست ء. دیگ ء وتا کُشتگے
ء لھتے ء زندان ء تکلیپ سگگ ء ھاٹیگ نہ
دیستگ ءُ وت کشی کتگ
ء لھتے ء جھان ء چم پیش داشت نہ کتگ
گیرت ء کیس ء مرگ گھتریں توجیلے
پھمتگ ء وت کشی کتگ ئے
بیا ات
کمو مردم وت کُشی تھرانی سر ء چمشانکے دنت

موت راھت

بزان ارزانیں موت
ھما موت ء گوش انت کہ انسان ھما نادراھی ء آماچ انت کہ موت ء ابید دگہ ھچ ڈک ء در نیست
آ لاچاری ء وت کُشی کنت

جوھر
زمانگاں ھندوستان ء راچپوت ٹک ءِ تہ ء رسم بیتگ
اگاں جنگی جاورانی تہ ء پروش المی انت گڑا نامیں ء مالداریں مردماں دزگیر بوھگ
ء زند وت دست دیگ
پہ وت ء جنین آدمان
ائیب پھم اتگ
آس ء کڈّے ء دور جتگ
یا کہ زھر اش وارتگ
بازیں دگہ رسم ھم ھست
اگاں مردم گیشین پٹ ء پول بہ کنت
ستی ھم ھمے دروشمے یک دودے
البت راہ ء رھبندانی تہ ء دگری ھست ئے
اے چیزان مردم ھیرت چاری بہ کنت
انگت ء ھست انت بس ڈول اش بدل بوتگ انت

اے زمانگ جنگی زمانگ ئے
دلیر ء بھادریں مردم
جنگ ء میدان ء وت ء دشمن ء دست ء دزگیر
نہ کنائیں ایت کہ راز پاشک بنت
آ مرگ ء پہ وت دوست کنت

وھدے کہ مردم نپسیات ء زانتکارانی
گپّان چار ایت کہ وتی پھم ء زانت ء بنیات ء
گپ جن انت گپّانی تہ ء زانشتی ھست
بلے پیسلہ وت کش کنوک ء جاورانی
چارگ بیت
مرد ء پرچا مرگ وتی آھری وسیلہ کتگ
جنگ ء پڑ ء وت کُشی کتگ
یا پنکھا ء کھیر ء کاپر ء ساد گُٹّ ء کتگ

امل کجام چمّ ء چارگ بہ بیت
روا ء ناروائی گپ. پد ء بہ بیت
نپسیاتی زانتکارانی گپ پہ وانگ ء وش انت
بلے چہ آھان زانتکارتریں مردم ء پرچا
وت کُشی کُت

باید گیشتر مردم بہ وان ایت

وت کُشی شربت ء پیالوے نہ انت
ساہ دیگ گراں انت
بلے جاور ء چاگرد ء جیڑہ کہ کا انت
پیسلہ کنگ گراں بیت
انسان واجہ ھدا ء شرپ مندتریں مھلوک کتگ
جھان پہ آئی جوڑ کتگ
مرکب جوڑ کتگ
آئی ازت ءجان چہ بیت اللہ ء شرپ دار تر کتگ

انگت ء انسان پرچا وت ء نہ پھم ایت
چاگردی زند ء گوازینگ ء مھر تپاکی
المی انت کہ آ نہ وشیں جاوراں شھد ء
شیرکن تر کنت

روان اانت

ناکومُراد

Zahida Raees Raji · « **Reply #2 on:** October 06, 2018, 09:07:45 AM »

زند وت کُشی 3

وت کُشی ء سوب باز انت

1.چاگردی جیڑہ
انسان زند گوں چاگرد ء ھمگرنچ انت چاگرد ء تہ ء انسان ھر دو گام ء پد گوں یکے ڈیک دنت
ڈیک دیگ برے ھیر بنت برے اڑ پیداگ کن انت
سانگ ۔لوگی جیڑہ ۔مال ء جائیداد جیڑہ
چک برات نشار ء وسّیگ اے درست لوگ ءِ
جنجال انت برے مردم انچو مانگیش ایت
کہ پہ درآھگ ء ھچ راہ نہ گند ایت
لوگی جیڑہ تئی سبر ء اوپار ء بہ گر تاں پھر
جنگ ء گام جنگ ۔سنگتی بگر تاں وارسی
کاربار ء بہ گر تاں وانگ ء زانگ
سجیں چیزاں پہ تو تھل کنت
تئی سُر ء پُر ھاٹیگ ء پچ گیپت
کار ء روزگار ء نکسان ھم یکے جتائیں جیڑہ ئے
کہ آئی تہ ء زر جتگ جاوت نگیگ بنت ایمنی ھلاس بیت
جنگ ء سر ء کپت مال گرگ بیت
اشک سبز ء لاھاسل ھم چاگردی دُژمنی پیداگ کنت
وھدے کہ تو چاگرد ء زند گوازیں ئے ترا المی ء اے چیزان دوچار کپگی انت
وھدے کہ وشین زند ء مردمے اے جیڑھاں ماں گیش ایت
اے جیڑہ ء اولی اُروش دماگ ء سر ء بیت
انسان جیڑ ایت کہ من چے بہ کن آں
پلاان وارس واست ء من باز کتگ
سنگتان دست منی بڈ ء جتگ
وشیاں گوں من گوں بیتگ انت
نگیگیں جاوراں وارس ء سنگت یک کرّ
بیتگ انت
اے چیز دماگ ء سر ء گیشیں اسر دور دے انت
انسان جیڑھانی رگگ ء وسیلہ مرگ ءَ کنت
منی مردگ ء پد من آسودگ بہ آں
آ وت کُشی کنت

2 سوب مالی جاور
چوناہ ء مالی جاور یک پیمے گوں چاگرد ء جیڑہ ئے
ھستیں وھد ء انسان ء واھگ ود اتگ ء گیش بوتگ انت
ھمک انسان ھستیں ھستی ء ھساب نہ کنت
دایم چم آبادیں سنگت آبادیں مردم آبادیں برات ء سر ء انت
وھدے کہ آوتی زند ء گوں آبادیں مردم ء زند ء کیل کنت گڑا زد کُنت ھسد نادراھی پیداگ بیت
ھیرت ء بچارے اے بھر ء بانگ ھدایی داد ئے
من دومی برات ء کنت ء وتی ھرچ ء گیش کن آں
ھرچ کہ باز بیت اللہ ء من سر دُزّی ء دازی کپ ایت
یا وام دار بہ آں
درملک ء پیشن انت سواری ء موبایل برانڈ
کہ در کا انت من ھم وت ء یک دومی زد ء پشت نہ گیج آں
مات ء پت ملک ء ھمشام انت من لگزز ء پراڈو
ء پیش دارگ وت نامی مزنی دُمب ء کپ آں
اناگت. ء وام دار پریس کن انت
نی واجہ پہ وت راہ نہ گند ایت
جیڑگ ء لگ ایت بازین جیڑگ انسان ء دماگ
تاکین ایت یا انسان جنجالانی در آھگ ء پیسلہ کنت

شد لاپی ء بے روزگار بوھگ ھم گراں انت انساان
تچ ء تاک کنت آھر وتی سلاھان دور دنت
آ ھم چکانی ھمک روچ ء نرونڈگ ءُ آہ پریاتان
اوپار کنت نہ کنت آھم پہ وت کشکے گیچین کنت
ھمے کشک وت کشی انت

3.نپسیاتی نادراھی
انسان کجام گیشین اڑ ء جنجالے ء دوچار بہ بیت
آئی اسر دماگ ء کیت دماگ ء یک کچ ء کیلے ھست
دانا ء اگلمند گیشین اگل واھند انت آ پہ وت در ء شمے پچ کنت
بلے گیشتریں مردم نپسیاتی نادراھی آماچ بیت
آ ھمک روچ جنگے پہ نیمونے پاد کنت
ٹینشن۔ڈپریشن۔ اسٹریس نادراہ بیت
دماگ بازیں زور سگ ات نہ کنت
آئی روھانی ھُراک لوٹ ایت
سئل ء گرد
آپ ء گوات بدلی
وھد پاس
شریں دیوان.
وھد پاس ء نوکیں ایجاد باز بوتگ انت اشانی تہ ء لھتے رد کارمرز کنگ ء سوب ء نادرای جوڑ بیت
اے وھد ء نادراھانی کساس گیش بوھان
اے نادراہ ھم وت کُشی کن انت
4.نشہ
نشہ ھستیں وھد ء یک پیشنے ھم جوڑ بیتگ
دومی بازیں جوڑگ ء انسان دماگ ء ساکون ء ھاترا
نشہ ء نیمگ تکّو کنت
نشہ والا مردم بندات ء مھمان دار انت
نوکین مردم ء نشہ سامان دے انت
وھدے کہ مردم شرّ اے ھوپ ءِ تہ ء کپت
گڑا دست بڈ ء انت
نشہ ء پورو کنگ ء مات ء پندول ھم جنگ بیت
لوگ ء سامان دزگ بنت
نوکین نشہ کہ اتکگ انت
اشان انسان چہ انسانی ء دور داتگ
وھدے کہ لوگ ء زر مہ رس ایت
نشھی سنگت نشہ مہ دے انت
نشہ جان ء مال ء دشمن انت
نی مرد چار ایت کہ ھچ وسیلہ نیات
نشہ کشوک پہ وت راھے شوھاز کنت
آ وت کُشی نیمگ ء روت
نشہ لھتے جاھان ء ھلکان یکے پندل ء سوب ء
دیم ء آرگ بیت ارزان کنگ بیت
تاں آ ھلک نندوکیں راج ھتم کنگ بہ بیت

وت کُشی گرانین چیزے بلے لاچاری ھم گران انت
انسان اے کشک ء پرچا پہ وت گیچین کنت.
وت کُشی سوب دیم اتک انت
وت کُشی کنوکانی تہ ء مئے کرد
انسانی ء نیکراھی رد ء چے بہ بنت
وت کُشی پرچا انسانیت ء نیکراھی چمّاان
ردیں املے

رواں انت 3

ناکومُراد

Zahida Raees Raji · « **Reply #3 on:** October 06, 2018, 09:10:39 AM »

زند وت کُشی 4

جھان واجہ ھدا ءَ پیداگ کتگ
انسان ھم پیداک کتگ
ءُ شرپ مندتریں مھلوک انت کہ واجہ ھدا پیداگ کتگ
وھدے کہ. انسان زند گوازیں ایت المی ء انسان یک دومیگ ءِ دست کوپگ بیت
نیکراھی ء زند ء گوازینگ ء باروا رھشونی کتگ
تاں کہ انسان ھم کوپگ بہ بنت تھلی ء وشّیاں
یک دومی ء کار ء بیا انت جھان ء ھر وھدے کہ
رھبند زورگ مہ بیت کم کم ء انسان ء زند ء گاڑی
کشک ء ایر کیت آئی سر اڑ جنجالان کپ ایت
انسان چہ مھر ء در اتکگ
مھر چوں کیت ء مئے شمئے میامجی ء گیش بیت
آ رھبند سوج دیگ بیتگ انت
جانے کہ مھر ء درچک بہ بیت ھمک کس آئی ساھگ
ء آرام کُت کنت
مھر پیداگ کنوکیں کار اش انت
کہ ھمک چاگردی ء نپسیاتی ۔دماگی بے آرامیانی واست ءَ یک ٹک ایں الاجے

کونوا عباد اللہ اخوانا ھدا ء بندھاں شما براات بہ بئے ات
1.یک دومی ء دراہ درھباتی بہ کن ات ۔مسلم54
2.یک دومی ء گند ء نند بہ کن ات۔مسلم2567
3۔ گپ رپ بہ جن ات .مسلم 2560
4.آھانی گوم ءَ مھر ء نزمی گوم ء پیش بیا ات۔ترمذی 1925
5.یک دومی ٹکّی بہ دے ات۔الجامع 3004
6.اگاں مھمان بوت انت آھانی مھمان جلّی شر بہ کن ات ۔ترمذی 2485
7.کسترینان سر ء مھرباں بہ بئے ات۔ابوداود4943
8.مسترینانی ازت ء بہ کن ات۔ ابوداود 2943
9.آھانی گم ء وشیانی ھمراہ ء ھمکوپگ بہ بئے ات۔بخاری 6951
10.اگاں آھاں گپّے تہ ء زلورت ء کارے کپت آھانی کمک ء بہ کن ات ۔6951
11.یک دومی ءِ ھیر واہ بہ بئے ات ۔مسلم.55
12.اگاں کسے پند ء سوجے تلب بہ کنت آھاں سر سوج کن ات۔۔2162
13.یک دومی شور ء سلاہ بہ کن ات
کسی باپُشت ء تران مہ. کن ات
کسی شگان ء ایر مہ جن ات
دو دیمی آدینگ مہ بہ ات
بزان ایشی گپان دومی گور ء دومیگ ء اے برات گور ء بر آر مہ کن ات ۔۔پاک تاک
16.ائیب در مہ گیج ات. ابوداود 4875
17.یک دومی ء تکلیپان دور. کن ات ۔ابوداود 4946
18.دومی ء سر ء رھم بہ کن ۔۔ترمذی 1924
من لم یرحم لایرحم ھر کس رھم مہ کنت آئی سر ء رھم کنگ نہ بیت
19.دگر ء تکلیپ دیگ ء مزا چست مہ کن ات
وش مہ بئے ات۔۔پاک تاک
20.کربانی ء وتی ھک ء دزکش جزبگ بہ بیت ۔پاک تاک
21.وت ء گیش برات ء ھیال ءَگور کن ات۔۔پاک تاک
22.ھژم ء کنڑول کن ات بزان کارزوالی کنت ء ردیں پیسلہ ِ سکین ء دنت۔بخاری 6116
23..بیرگیری ء ھیل ءَ وت ء پھریز ات ۔بخاری 6853
24.نادراہ چارگاں برو ات
میت ء نماز ء وت ء طور بہ کن ات
ترمذی 969.مسلم2162
25. ھچ کس ء جھل مہ جن ات ۔مسلم 91
26.ازت گوم ء تران کن ات ترندی گپ جنگ ء پھریز ات ۔پاک تاک
27. باپُشت ء گوں بدی ء کس ء یات مہ. کن ات ترمذی 2737
28. پایدگ دیوکیں انسان جوڑ بہ بئے ات
بزان نکس دیوک جوڑ مہ بہ ات۔جامع 3289
29.لالچی جوڑ مہ بہ ات ۔پاک تاک
30.ناجایزیں مکابلہ مہ کن ات مکابلہ کنگ ء یکے ءَ دور دیگ ھرابیں ھبرے۔مسلم 2963
مرچام ماڑی سواری موبایل داوت آروس ھمک پڑ ء مکابلہ انت

31.دایم نیکین دوا ء برات ء یات کن ۔مسلم 2733

دگہ ھزارانی ھساب ء رھشونی ء آیت ء ھدیس ھست انت نبشتانک ء دراجی ترس انت
پمیشکا من گونڈ کراں کہ وانوک تکانسر مہ بیت
انسان یک دومی ء واست ء اے رھبندانی پالو بہ کنت
ھجبر انسان نہ کپ ایت ء بد ھال نہ نبیت
بلے انسان ء تہ ء بازین نزوری ء ائیب ھست انت
آ ناں انسانی رھبندان سر ء امل کنت ناں کہ
نیکراھی یے
اد ء کل لس مھلوک ء واست ء رھبند انت
جتائیں رھبند ھم ھست کہ مسلمان ء گیر
مسلمان واست ء انت
بلے رسول اللہ ء چم پُرّ چہ ارس بیت انت
الیست نفسا
آیا اے ساہ دار ء انسانے نہ. انت
ھمے چیز ء پدّر کنت کلمہ وانوک ء ابید
رسول اللہ دل پہ لس انسان ء ھم. پہ دردبیتگ
جنین آدمے تچان گنوکی گپتگ ات
سریگ سر ء نہ انت واجہ وتی چادر سر ء دات
تاں جنین آدم بے پردگ مہ بیت
آھم کلمہ وانے نہ ات
اے کل چیز ھمساھگی وارسی۔ھم مزھبی ء انسانیت
زلورت انت اشانی ھک ء ھساب ھست
اگاں انسان اے چیزانی سر ء امل بہ کنت
ھجبر زند تھل نہ بیت
وھدے کہ تھل نہ بیت انسان ردیں پیسلہ نہ کنت
وت کُشی ء برات نکسان ء رند گیر نہ بیت
اگاں ھر کس وتی وڑ وتی پگر وتی سوج ء متابک
زند گوازینگ ء جھد ء بہ کنت
کسی وشّی ء گرانی ساھتان کار مہ دار ایت
گڑا کس آئی ء پیماز جست نہ کنت
پرچا چاگرد ء ھم وتی رھبند گیش انت
بہ مر پہ ھمایی کہ پر تو مر ایت
خواھان کسی باش کہ خواھان تو باشد
ھمایی لوٹوک بہ بئے کہ تئی لوٹوک انت
چاپ یک دست ء توار نہ کنت
تیوکی وت پگری زند ء تہ ء نگیگین ساھت
سک تورناک انت ھاس اے چاگرد ء
کہ. بے رھمیں چاگردے
اے چاگرد بے رھمی ء کہ کیت گڑا
راہ بس وت کُشی انت
ھدا پناہ بہ دنت

رواں انت 4

ناکومُراد

Zahida Raees Raji · « **Reply #4 on:** October 06, 2018, 09:11:59 AM »

زند وت کُشی 5

ھستیں وھد ء وت کُشی رواج گرگ ءَ انت
میاں استمانی ادراہ وت کُشی ء دیم دارگ
ءُ آئی یے کساس ء کم کنگ ء ھاتر ءَ کار کنگ انتwho ادارہ
تاں 2020 ءَ وت کُشی ء تہ ء دہ پرسنٹ کم کنگ ء جھد انت بلے اے ادارہ 28ملک ء تہ ء کار انت
انگلینڈ ء تہ ءَ یک زانتی پگر ودی. کنوکیں "جانی بینجامن" گوشگ ھمش انت کہ وت کُشی کنوکاں
مردم چوں پیش بئیت آیانی ھیال داری چوں کنگ
بہ بیت بلکیں چاگرد ءَ سوجکاری ءُ وانگ ترتیب
ھم بہ بیت

وھدے کہ ما نیکراھی پڑ ء وت کُشی دیم دارگ ء
گپ ء کن ایں دین ء لوٹ ھمش انت کُل برات بہ بی اِت پریشان ھالیں مھلوک ء گماں شریدار بہ بئیت
آ کہ کمک لوٹ ایت کمک کن ات بے گناھیں زندانیان
کشک ء جھد کن
چاگرد ء تاں وھدے کہ ھمکوپگی براتی ء سیاد وارسی ۔مھر ء تپاکی کرواھست آ چاگرد ء چوشیں کیس
دیم ء نئیت
نیکراھی رھبند ء وت کُشی ھرام انت
وت کُشی کجام ھالت ء کُتگ
ڈک ء در بند بند بیتگ انت
وامدار ء چیر تریتگ ئے
گیرت ء جنگی ماھول بیتگ
ھچ جاہ ء دین اے کار ء ساڑاھگ ء ھک ء نہ انت
البت جنگی ماھول ء چاگرد اے چیز ء ساڑائیت
کہ ساہ دات دشمن ء دیم ء تپنگ. دور نہ دات

شر زانگ لوٹ ایت کہ وت کُشی دو دروشم انت
یکے ھمش انت ساد گُٹ ء کُت
گاڑی ء ٹرین ء دیم ء دور جت
برزیں کوہ ء ماڑی ء سر ء دور جت
چات ء دور کُت
وت ء تیر جت کارچ جت
رگ برّ ات
زھر وارت
اے اشتاپین مرگ ء کشک ء کیچینگ انت
ء وت کُشی کنگ انت
ایشی ء ھمک کس اپسوز کنت کہ زانت کہ
مرد ء وت کُشی کتگ

دومی دروشم چیر اندریں وت کُشی
کہ آھستو آھستو انسان ء تباہ کنت
انسان ء جان ھڈ ء گوشت ءُ گُٹگ ء
دل ءَ بے کار کنت
بزان نشہ کنگ
نشہ اے وھد ء پیشن ء دودے ھست بازین جاہ ء باپور چاہ چلیم پیم ء مھمان دیم ء ایر کنگ بیت
پاک تاک گوش ایت
ولا تلقوا بایدیکم الی التھلکۃ
وتی دستان وت وت ء بربادی ء ھلاکت ء نیمگ ء تیلانک مہ دے ات
ولاتقتلوا انفسکم
وت ء وت مہ کُش ات ھدا مھربانایں ء زاتے پہ شما

دین ء مرگ ء پیش مرگ ء لوٹگ ھم مہ کن کتگ
گڑا وت کشی ءِ رزا چون دنت

رسول اللہ لایتمنین احدکم الموت لضر نزل بہ
فان کان الحیاۃ خیرا لی و توفنی اذاا کانت الوفاۃ
خیرا لی
شمارا چے کسے ء اگاں نکسانے رس ات
مرگ ء دوا ء مہ لوٹ ات
اگاں زند سک تھل بیت
گڑا دوا اے وڑ لوٹ ات
واجہ ھدا تاں زند ء پمّن ھیرے ھست گڑا من ء زندگ کن
اگاں ناں گڑا منی ساہ ء پچ گر

شر زانگ لوٹ ایت زند واجہ ھدا ء داداں یک دادے
انسان وتی زند ءَ جھان ء داد ء نھمتان پایدگ چست بہ کنت
زند ء مرگ ءِ پیسلہ ھدا ء دست ء انت
واجہ ھدا ء ھمک انسان ء وتواکی داتگ
اگاں کسے وتی وتواکی بنیات ء وت کُشی کنت
بزان واجہ ھدا ء پیسلھان چیلنج کنت
اے چیز پیل کنگ نہ بیت
ء پمیشکا واجہ ھدا ء آئی گڈی جاہ ھم گیش انت
اے وتی گڈّی جاہ ءَ ھمے شزا ء ازاب ء تہ ءَ بیت
تاں کیامت

دومی گپ انسان ءَ واجہ ھدا ء ساہ ء جون داتگ
اے امانت ئے ھمک کس وتی امانتان یک روچے
پد جنت انچو کہ جھان ء کسے ء امانتے تئی گور ء
ایر کُت زر یا سواری
آھانی چار ء گزار کنگ تئی زمہ انت
بے جست ء آھان تو کار بست نہ کن ئے
اگاں کت انت تئی امانت داری پولنگ بیت
اوست مھلوکے پروش ایت
سواری پروشت گار کت بھا کت ترا جست بیت
کیمت گرگ بیت

امانت کسے گور ء بیت آ مردے ملک نہ انت امانت دار ء ملک انت
انسان ء واجہ ھدا ء زندے کہ داتگ اے زند واجہ ھدا ء ملک انت اداروکی تئی گور ء انت تو پایدگ چست کن وشیانی ور
زوال کنگ اجازت نیست
وت کشی زند ء زوال کنگ انت نکسان کنگ انت
انچو کہ جھان ء رھبندانی پڑ ء ترا امانت ء جست بیت واجہ ھدا ھم وتی امنت ء پد ء جنت
زوال کنگ ھرام انت زوال کت
گڑا شزا گران انت
رسول اللہ گوش ایت ھر کس ء وت کشی کُت آ جھنم انت

انچو کہ نیکراھی پڑ ء زند امانتے
راجانی گور ء ازم ء مزنین بستارے ھست
ازمکار راجانی سپیر انت
ھچ ازمکار ء ھک نیست کہ آ راج ء نام ء پولنگ بہ کنت یا پہ زانت نکسان بار
ازمکار وھدے کہ ردی کن انت چاگرد گیشتر میار بار اش کنت کم چہ کم تو پہ راج ء نامے نوک نہ کتگ ات
پولنگ مہ کت ایں
ھمے پیم ء آ کہ نگیگیں جاورانی دیمپان بنت
راج زمہ واری کہ آھاں کمک بہ کن انت
تاں اے جنجال ء. در بئیت
ازمکار زمہ داری انت چوشیں ردی یے مہ کنت
کہ راج پولنگ بہ بیت
یا راج ء نکسان بار بہ کنت

ناکومُراد

News:

Author Topic: زند ۔ وت کُشی ۔ ناکو مراد ءِ نبشتانک ۔ ندر پہ باسک ءِ وانوکاں (Read 12079 times)

Zahida Raees Raji

زند ۔ وت کُشی ۔ ناکو مراد ءِ نبشتانک ۔ ندر پہ باسک ءِ وانوکاں

Zahida Raees Raji

Re: زند ۔ وت کُشی ۔ ناکو مراد ءِ نبشتانک ۔ ندر پہ باسک ءِ وانوکاں

Zahida Raees Raji

Re: زند ۔ وت کُشی ۔ ناکو مراد ءِ نبشتانک ۔ ندر پہ باسک ءِ وانوکاں

Zahida Raees Raji

Re: زند ۔ وت کُشی ۔ ناکو مراد ءِ نبشتانک ۔ ندر پہ باسک ءِ وانوکاں

Zahida Raees Raji

Re: زند ۔ وت کُشی ۔ ناکو مراد ءِ نبشتانک ۔ ندر پہ باسک ءِ وانوکاں