Baask- Home of Balochi Language, Literature & Culture

Balochi Literature بلوچی ادب => بلوچی لبزانک، چمشانک ءُ ﺁزمانک => زھگانی لبزانک Kids Literature => Topic started by: Zahida Raees Raji on November 10, 2012, 12:08:39 PM

Title: گُرک ءُ كُچكاں (زَهگانى لبزانک)
Post by: Zahida Raees Raji on November 10, 2012, 12:08:39 PM

گُرک ءُ كُچكاں (زَهگانى لبزانک)

سَبزيں ڈگارے سَرا بازيں بُزاں كاه ءَ وَرَگ اَنت هر روچ ءَ، ايمنى تها ءُ بے تُرس ءَ اَنت چه سياهيں گُرکاں، پرچى كه سے كُچكاں په چارينَگ هست اَنت.

بُزان ءِ شِپانک ءُ چارينوک باز شريں ءُ پُرمِهر مَرد بيتگ، ءُ مَزنيں درچكے ساهگ ءَ شِپانک ءَ پُوشِتَگ، ءُ وَش الهانيں توار چه وَتى سُروز ءَ دَرايگ اِنت، ءُ درچكے ٹالاں گوں اے زيمر ءَ وتى تاكاں سُرگ اِنت چه بازيں گل ءَ.

اے وَهداں تها يک سليں ءُ گَندگيں گُرکے بيتگ، چيرُكائى ءَ بُزاں ءُ شَنِكاں چارَگ اِنت، بلے كُچكاں بيم ءُ تُرس ءَ چه اولاک ءِ نزيک نه اَتک.

ءُ یَک دمانُکے تها اَناگَت ءَ ..

ديت كه كُچكاں وت ما وت ءَ جَنگ كنگ اَنت، ءُ دزگَٹّ بيتگ اَنت...

په گل ءَ كند اِت، ءُ گُشت په وَت ءَ:

هَنى مَن ءَ موه ءَ رَسِت!

گُرک ءَ نزيكتِر بيت چه بُزاں، ءُ یَک شَنكے دير چه دگراں ديت .. دِرک دِرک ءَ دركگ اِنت، ءُ گوں وَتى تيزيں دَنتان ءَ شَنِک ءَ گپت..

شَنک ءَ مِينگگ ءِ توار بُرز بيت په كمكى لوٹاينَگ واست ءَ

كُچكاں اِشكُت شَنک ءِ دَردواريں توار ءُ جَنگ ءَ بَند كُتگ اَنت، ءُ ناهمدَستى ءُ دُژمَنى دير بيت، ءُ دراهين ءَ تچان اَنت په گُرک ءَ ..

وَهدے كه گُرک ءَ ديت اِش آتكگ اَنت، دلاپ بيت، ءُ شَنِک ءَ يَل دات ءُ تَتک ءُ پشت ءَ هِجبَر نه ترت اِت.

اَهمَد ياكوب هوتى 2012-11-7
(https://www.facebook.com/photo.php?fbid=286424174809752&set=o.343820545632824&type=1&relevant_count=1&ref=nf)
Title: Re: گُرک ءُ كُچكاں (زَهگانى لبزانک)
Post by: Naguman on November 12, 2012, 11:42:16 PM
اے گیدی کسّوءِ بُن رَہبند (گرامر) شر نہ اِنت۔
Title: Re: گُرک ءُ كُچكاں (زَهگانى لبزانک)
Post by: Zend e Bandeeg on November 13, 2012, 11:49:06 AM
من اے کسے پدا نبشتہ کُتگ  ۔ نہ زاناں کہ اے چیزے اجازت است یا نیست دیوان ءَ

گُرک ءُ کُچک۔ 

سَبزيں ڈگارے سَرا بازيں بُزاں کاہ چرتگ هر روچ ،پہ ايمنى ءُ بے تُرسی ءَ چه سياهيں گُرکاں، پرچى كه سے كُچك پہ بُزانی پاسپانیءَ است اَت.

بُزانی شِپانک ءُ چارينوک باز شريں ءُ پُرمِهریں مَردے ات ، ءُ مَزنيں درچكے ءَ ساهگ ءَ نشِتَگ، ءُ وَش الهانيں توارا سروزی جتگ، ءُ درچكانی ٹالاں گوں اے زيمر ءَ وتى تاكا سُرینتگ اَنت چه بازيں گل ءَ.

ھمے وَهداں يک سِليں ءُ گَندگيں گُرکے بيتگ، چيرُكائى ءَ بُز ءُ شَنِكی چارَیتگ اَنت، بلے كُچكاںی بيم ءُ تُرس ءَ چه دلوتانی نزيک ءَنہ شُتگ اَنت۔.

 یَک روچے اَناگَت ءَ ..

 كُچك وت ما وت ءَ جَنگ كنگ ءَ دزگَٹّ تنت...

په گل ءَ كندیت، ءُ گُشت:گُرک ءَ

هَنى مَن ءَ موه ءَ رَسِت!

گُرک نزيكتِر بيت چه بُزاں، ءُ یَک شَنكے دیستیت کہ بُزاں دیر اَت.. دِرک دِرک ءَ گوں وَتى تيزيں دَنتاناں شَنِک ءِ گپت..

شَنک ءِ پلینگگ ءِ توار بُرز بيت په كمكے  واستہ

كُچكاں اِشكُت شَنک ءِ دَردواريں توار گُڈا جَنگ ءِ بَند کُت ، ءُ ناهمدَ ستى ءُ دُژمَنىءِ دير بيت ۔
 ءُ دراهيں تچان بوتنت په گُرک ءَ ..

وَهدے كه گُرک ءَ ديت اِش آتك اَنت، دلاپ بيت، ءُ شَنِک ءِ يَل دات ءُ تَتک۔ پدا پشت ءَ هِجبَر نه ترت ۔.

اَهمَد ياكوب هوتى 2012-11-                                   
Title: Re: گُرک ءُ كُچكاں (زَهگانى لبزانک)
Post by: Zahida Raees Raji on December 09, 2013, 07:45:10 AM
کد بانو ، نوں اے شر نبشتہ کنگ بیتگ۔ منہ واراں