Author Topic: بلوچی ندکارانءِ اناگتین اردو دوستی! چمشانک: ولید گربنی  (Read 3904 times)

0 Members and 1 Guest are viewing this topic.

Offline Zahida Raees Raji

  • Administrator
  • *****
  • Posts: 7082
  • Karma: 356
    • Baask-Home of Baluchi Language, Literature & Culture
بلوچی ندکارانءِ اناگتین اردو دوستی! چمشانک: ولید گربنی
زمانگا مئے گورا چہ بلوچستان یک دو مھتاک دیئم دیگ بیت اَنت کہ آوانءِ توکا بازین بلوچان وشین وشین شعر، قصہ و چمشانک نبیست اَنت و اشانءِ وانگا رند دل شادء بیت اَت۔ گل بیگءِ یک سببے بلوچی سیاھگانءِ گندگ اَت و دومی یے مارگ اَت کہ ما بلوچ بلّی تورین چہ وانگ و زانگ پشتا درگ بیتگ اِنت، بلے پدا ھم مئے نیاما شرّ و سوھندوین مردم ھست کہ پہ وتی آیوکین نسلانءِ راھشونیا جُھل بُنین سیاھگ نبیس اَنت۔

وتی جندءِ نزوریانءِ سببا اناگتا من چہ بلوچی تاکبندان سستان۔ تا مدتے سر سرجنان وھدے پدا وتی پاد ڈکّینت اَنت، گڈا اولی کار کہ من کت ھمے بلوچی تاکبندانءِ حالا گرگ اَت۔ یے ردا سھیگ بیتان کہ بیا 'بلوچی لبزانک' شنگ نہ بیگا اِنت۔ مھتاک بلوچی اَنگت زندگ اِنت، بلے آئی شونکارا مرچان بلوچیءِ بدلا اردو نبیسگءِ نادراھیا گوئر جتگ۔ من حیران بیتان کہ چؤنکا چہ نوزده صد وھشتادءِ دھرا بلوچی زبانءِ خدمتا کنانین بندگ یک اناگاہ اردو نبیسگ بندات کتگ! زانان انچوک وھد شرّین شرّین بلوچ ندکاران گون وتی پرمھر و مڑایین نبشتانکان بلوچی زیبدار کنان کتگ، پھک بے کارپد شت اَنت، هانین واجه بندیگ چه اشان یکے ھم مان نیارت؟

مردم غلام فاروقءَ باز میاریگ کت نہ کنت چیاکہ وھدے آئیءِ ھمبل واجہ بادینی گستا بیت، گڈا ھماوھدی گندگ بیت کہ گشیئگا آ دلپروش اَت۔ و لبزانکءِ کوالٹیا کپگ بنگیج کت۔ جدا بیگءِ سرا یارجان ھم میاریگ کنگ بیت نہ کنت چیاکہ چہ غلام فاروق جدا بیگا رند آئی بلوچی زبانءِ خدمگزاری انگار نہ کت، انگت گون 'بلوچی زند'ءِ کشّگا پہ مردمان کُلوے راہ ئی دات کہ آئی پہ بلوچیءِ دیما برگا وتی لانک مُھرتر بستگ۔ آدگہ گپے کہ اِنچوک پریات و دسبندیان چہ رند انگت واجہ یارجان بادینیءَ وتی تاکبندءِ تاکے پہ من شات نہ بیت۔

واجہ بندیگءِ بلوچیءَ مرچان مردم گندیت، آ وت چيھال کنت و چاروکانءِ دیما دست بندیت؛ پہ خدا به چارت منی شونکارا بہ گش اِت کہ کموکے منی نیئمگا دلگوش گوئر بہ کن! اولسرا من فکر کُت شاید واجہ بندیگ نین کماش اِنت و آئی پشت پد نوک باھند اَنت، نرم نرما دیما روان ھیئل کن اَنت۔ بلے واجہ بندیگءِ اردو نبسی سرا کہ چم کپ اَنت، گڈا پدّر بیت واجہ بندیگ کوکّار کنت و گشیت 'ابھی تو میں جوان هون'۔ یے حالتا گون بلوچی نادوستیءِ سبب چے بیت کنت! یکے وا زرّ بیت کنت کہ من چشین دپار نہ وران واجہ بندیگا زرّ پرستیءِ ڈوبّوے بہ جنان۔ دگہ سببءِ زانگا من انگت جیڑگاتان کہ منی دیئما واجہ حفیظ حسن آبادیءِ اردو نبشتانکے گوئست۔

حفیظ یکّے چہ کوھنین زبانزات و وش نبیستان اِنت کہ مھتاکانءِ توکا آئیءِ نبشتانک مدام ودی بیتگ اَنت و په آوانءِ وانگا باز چؤ منین تکانسر بیتگ اَنت۔ یے واجہءِ اردو نبشتانکءِ گندگا چہ رند من پدرد بیتان کہ یے ویلا ابید چہ واجہ بندیگ دگہ بلوچے ھم وتی زؤنڈان چيئر چتگ۔ گؤن ھمے جیڑوان گرچیل منی دلا ھُب چست بیت کہ یک شوھازکارییے بہ کنان کہ بارین دگہ چنچوک بلوچی ندکار اردو وباءِ آماچ بیتگ اَنت!

يے ذمہءِ ادا کنگا منی اولی کار انٹرنٹءِ سرا پٹـّاسگے اَت۔ گڈا گندان کہ نہ بیتگین بیتگ۔ بزان ھچ پشت نہ کپتگ۔ چہ بندیگ و حسن آبادی بہ تا بہ رؤت اودا چہ گربُنی منا گرّءِ بُنی نام بندوک و منی کؤھنین ھمّل واجہ ابراھیم جلیس نگوری؛ ردا بلوچیءِ اش رنبینتگ و اردوش گورنباز کتگ۔ پہ جلیس نگوری منا ھمائیگیئنے وشّی دلا نہ بیتگ۔ چمشکا اردوا وتی ھرجان زرتگ، پرے حبرا من وشان۔ بلے چہ واجہ غنی پھوال مارا چشین امید نہ بیتگ کہ آ بہ نِندیت و 'قومی جدوجھد کے علمی، عملی تقاضے اورلکھاریوں کی کج ادائیاں' سرحالءِ سرا بڈے قسطانءِ دراجکشین نبشتانکے بہ نبیسیت۔ آخر آ کئی دیما وتا ثابت کنگء لؤٹیت کہ وتی مارشتان درشان کنگا اردو چہ بلوچی زبانا آسودگتر اِنت؟ یا گون اردو نبیسگا واجہ پھوال، واجہ نگوری، واجہ حسن آبادی و دگہ بلوچ راجءِ شر ترین خدمتے کنگا اَنت؟ اگر نہ، بزان آ بادے پیری پاکستانیان گؤن دلیل و منطق سرکچ دیگ لؤٹ اَنت و آوان په مهر چہ بلوچستانءِ زؤرگریا دستبردار بیگا منّین اَنت؟

اِشی پسّوا آ وت بہ دے اَنت۔ البت من چہ وتی نیئمگا انچوک گشان کہ دریگتین منا اردو وانگءِ تھمل بیتین اَت، تا من شمئے نبشتانک بہ واتین اَنت و بہ زانتین اَت کہ شما چے نبیستگ! شکر اِنت کہ اردو و فارسی وانگا دل نہ گشیت۔ اگر بلوچستانءِ باروا تجزیہ و چمشانکے وانگءِ ضرورت بہ بیت، گڈا انگت انگریزی بھتر اِنت کہ بازین انساندوست ھم سرپد بنت۔ پرے کارا واجہ ملک سراج اکبر، پیٹر تاچل، عزیز بلوچ، احمر مستی خان، مھراب سرجو وغلامرضا حسین بورءِ ھؤریا داکٹر نصیر دشتی و واجہ تالپورءِ ڈولین شهزانت کشا اؤشتاتگ اَنت۔
روچتاک توار و آساپ بد دعا دیگ وا نہ بنت، بلے گشگ بیت کن اَنت کہ اِشان مارا کلدارے دات و دھیگے چہ ما پل اِت۔



Koulmir Namiran
www.balochinews. blogspot. com
Nothing like it!
Zahida Raees :Raji:
baaskadmin@gmail.com , admin@baask.com
Learn Baluchi Composing in INPAGE
Learn Balochi Poetry Background Designing
Help Line

Offline Liaquat Aminلیاقت امین

  • Baask Poet
  • ***
  • Posts: 61
  • Karma: 4
salam/jee waja waleed /tahe rastan/ae nadurahe  ya bazeen baloch nebeshtakare guar jatag/ bale ae rawaj chon darag beet/ae babata hum cheze nebeshta bekne/baz menat shome/shome chamshank baz jwan aat/ometeen deemtera hum ancheen chamshank nebeshta kane/zabardast......salamat bate