Share your thoughts in your words باسکانی جند ءِ پگر ءُ مارشت ۔۔۔

[Adabi Hakim ادبی ھکیم]

Adabi Hakim --------------------:-
بَـلـوچ ءِ شـیـرَزال ایـوَک ءَ آ نَـہ اَنـت کـہ پَہ تُـپـَـنـگ گوں دژمناں جَـنـگ کَـنَـگءَ اَنـت آ شـیـرَزال کـہ پَـہ نَــد جَـنـگ کَـنَـگءَ اَنـت آ هَـم سَـرمَـچـاراَنـت آ هَـم مَـزَنـیـں دادے ءِ هَـکـداراَنـت مَـن وَ گـوش اوں بـلـوچ ءِ زال مَـسـتِـریـں دادے ءِ هَـکـداراَنـت پَـرچـے کـہ مَـردیـن ءِ پـیـداگ کَـنـوک ءُ رودیـنـوک ءُ بـامَـرد کَـنـوک زال اَنـت چَـہ مَـنـی نـیـمَـگ ءَ نَـد ءُ تـُپـَنـگ ءِ سَـرمَـچـاریـں بـلـوچ زالاں مَـنـی سُـهـریـں سَـلام سَـر بـات اَنـت.

[/b]

[Zahida Raees Raji]

Adabi Hakim --------------------:-
بَـلـوچ ءِ شـیـرَزال ایـوَک ءَ آ نَـہ اَنـت کـہ پَہ تُـپـَـنـگ گوں دژمناں جَـنـگ کَـنَـگءَ اَنـت آ شـیـرَزال کـہ پَـہ نَــد جَـنـگ کَـنَـگءَ اَنـت آ هَـم سَـرمَـچـاراَنـت آ هَـم مَـزَنـیـں دادے ءِ هَـکـداراَنـت مَـن وَ گـوش اوں بـلـوچ ءِ زال مَـسـتِـریـں دادے ءِ هَـکـداراَنـت پَـرچـے کـہ مَـردیـن ءِ پـیـداگ کَـنـوک ءُ رودیـنـوک ءُ بـامَـرد کَـنـوک زال اَنـت چَـہ مَـنـی نـیـمَـگ ءَ نَـد ءُ تـُپـَنـگ ءِ سَـرمَـچـاریـں بـلـوچ زالاں مَـنـی سُـهـریـں سَـلام سَـر بـات اَنـت.

[/b]

raast goshe braat bale ey male dominating society a hama keh hoshken' hukook e niswaan e jaara janant geyshter janen' adamani hakkanan' lagatmaal kanouk ant.

[Adabi Hakim ادبی ھکیم]

آ بَـلـوچ مـَردیـن کـہ مَـروچـیـگـیـں بـلـوچ شـیـرَزالانـی جُـهـد ءِ کـَـدر ءَ نَـہ زان اَنـت گــڑا بـہ زان اِت کـہ آ مَـردیـن هَـمـا چَـرسـی ءُ مَـوالـی اَنـت کـہ چَـہ وتـی زنــد ءِ هَـسـتـی ءَ نَـزانـتـکـاراَنـت.

[Zahida Raees Raji]

اگاں مارشت گوں عمل ءَ بندیگ نہ انت درد نہ وارت
زاہدہ رئیس راجی

[Zahida Raees Raji]

چہ زانتکارے ءَ نزانتکارے ءَ جُستے گپت

” تؤ چون زانئے کہ تؤ زانتکارے ئے ؟ “

” من اے زاناں کے من ءَ ھچ نئیت “

” گُڑا ترا پرچیا مالوک زانتکار گوشیت؟ “

” مالوک انگت نزانت کہ من ءَ ھچ نئیت “


 

 

[Adabi Hakim ادبی ھکیم]

هَـنـچـو کـہ مـئـے دَسـت ءِ لَـنـکُـکـانـی نـاکـُـن مَـزن بـہ بَـنـت گـُـڑا مـا نـاکـُـنانی سَـراں کـَـلَـم کـَن ایـں ، هَـمـے پَـیـم ءَ اگـاں وَهــدے کـہ مـئـے جَـنـجـال مَـزَن بـہ بَـنـت گـڑا مـا وَتـی جَـنـجـالانـی سَـراں کَـلَـم بـہ کَـن ایـں ، وَتـی بـرات ءُ سَـنـگـتـانـی سَـراں کَـلَـم مَـہ کَـن ایـں .

[/b]

[Adabi Hakim ادبی ھکیم]

اگـاں پَـہ سَـرپَـدی ءِ دَیَـگ ءَ تـو کـَسے ءَ هَـکّـلے بـہ دَے یـے آ دلـپَـدَردء بـیـت بـلَـے اگـاں تـو کـَسـے ءَ پَـہ مَـشـکَـرا شَـهـمـاتـے بـہ جَـنـے آ دلـپَـدَردء نَـہ بـیـت پَـرچـے کـہ تَـب ءِ دَرد چَـہ بَـدَن ءِ دَرد سَـکّـتــر اِنـت.

[/b]

[Adabi Hakim ادبی ھکیم]

پـیـسَـرا مـا مُـدام وَتـی سـیـریـں بـرات ءَ پـیـسَـر کُـرتَـگ ءُ وَت آئـی ءِ چَـمـدار بـوُتَـگ ایـں بَـلَے هـچـبَـر آئـی ءَ مـئـے شُــد نَـہ مـارتَـگ پَـرچـے کـہ آ شُــد ءِ مـارشـت نَـہ زانـتَـگ ، مَــروچـی مـا وَتـی شُـدیـگـیـں بـرات ءِ پـیـسَـر کــنَـگ ءَ تُـرسَـگءَ ایـں کـہ آ سـیـری ءِ مـارشـت ءَ نَـہ زانـت بَـلَے مَـیـار مـئـے وَتـی اِنـت کـہ مـا گـچـیـن ءِ پَــجّــار ءَ نَـہ زان ایـں.

[/b]

[Zahida Raees Raji]

مہر
۔ مہر وامے نہ انت کہ دئیوک ءَ پچترینگ المی بیبیت۔ اے سوگات انت کہ دئیوک پہ دل دنت ءُ زوروک پہ دل ایری کنت ءُ برے برے بدل ءَ گیشتر ءُ شرتریں رنگے ءَ دنت۔ بلے ھما کہ اشی ءَ وام سرپد بنت ءُ  دئیگ ءِ وھد ءَ پہ بدل ءِ زورگ ءَ دلمانگ بنت ھجبر سوبمند نہ بنت۔
زاھدہ رئیس راجی

[Zahida Raees Raji]

پگر ءِ برزی کرد ءِ برزی ءَ ھجبرپدر نہ کنت کہ کرد ءِ کار گوں فعل ءَ ھمگرنچ انت ءُ انسان ء شریں افعال آئ ءِ پگر ءَ جول تر ءُ پراہ تر کنت ءُ نگاہ ءَ لج ءُ میار بکشیت۔
زاھدہ رئیس راجی

[Zahida Raees Raji]

کینگ ءِ آس چمانی روک ءَ انچوش تہار دیم کنت کہ چاروک ءِ چم دیمے مردم ءِ ھچ شری ءَ دیست نہ کنت ءُ ھمک شری ءَ بد جاکارایت۔
زاھدہ رئیس راجی

[Zend e Bandeeg]

                                               

 
   *.زند یک جُستے *
بنی آدم ودی بیت ھمے جُست ءِ پسو ءِ زانگ ءَ سرگردان بیت۔
پہ پسو ءِ شوھازگ ءَ تھر تھرءِ رنگ گند اِیت۔
مھر ءِ رنگ ، وشی ءِ رنگ، گم ءُ اندوہ ، درد ءُ ارمان، گژن ءُ بزگی، علم ءُ زانت، رُژن ءُ آگاھی ءُ دگہ ھم بازیں رنگ۔
ھمے پسو ءِ درگیجگ ءَ وڑ وڑیں مردم ءَ گوں دوچار کپ اِیت:
لھتیں رھشونی ءُ سِکین دنت۔
لھتیں دلپروش ءُ بد گُمان کنت۔
باز پہ مھر مُجتی ھمراہ بنت۔
باز پہ گپچلی ریپین اَنت۔
باز پہ اداروکی آژناگ بنت۔
بلئے پہ دائم یات بنت۔
ھمے رنگانی مارگ ءُ زانگ ءَ بازیں مردم وتی جُست ءِ پسو ءَ گنداِیت، پہ شریں وڑے ماراِیت ءُ روژنائیں راھاں راھیگ بیت داں محشر ءَ ابدمان بیت۔
باز ھمے شوھازگ ءَ سرگردان ءُ کپان تھاریں رونگراھاں گار ءُ بیگواہ بیت، چہ وتی جند ءَ ھم گِستا ءُ گِسر بوان بیت۔
زند گوں ھمے دروشماں چو ھار ءِ وڑ ءَ مَلان بیت تاں مرگ ءِ زر ءَ ایر کپ اِیت ءُ گار بیت۔

[Adabi Hakim ادبی ھکیم]

وَهـدے کِـہ تـو وَتـی زنــد مـاں زوراکـیءِ تَـهـلـیءُ تـرُپـشـیءَ گـوازیـنـت گــڑا تـو هَـمـے زنـد ءَ پَـرچـے پَہ وَتی چُکّـاں لـوٹـگءَ ئَے.

[/b]

[Adabi Hakim ادبی ھکیم]

مـروچـی هَـمُـکّ کـَـس گـلائـیـش اَنـت کـہ دُنـیـاءَ بَـدَل بـہ کَـن اَنـت بَـلَے کـَـسے پَـہ وَتـی جـنـدءِ بَـدَل کـنَـگءَ پـگـرے نَـہ کـنـت.

[/b]

[Zahida Raees Raji]

آ کہ پہ نہ دیستگیں باندات ءَ وتی چم دیستیں امروز ءِ وھد ءَ گوں ودار ءَ تیلانک دنت آئ ءَ اے ھک نیست کہ باندا وتی بگبھتی ءَ بہ ڈوبارایت
زاھدہ رئیس راجی