مزار و زاھدہ! شُمے سر و سوج سر و چماں بَلے۔۔۔
زندگی کاپرے چیر ءَ منی پت ءِ روت بستگیں داری تھت ءِ سرا وابیں۔ لیواریں بیگاھاں مات ءَ کاپرے تیر ءَ رْرتْکگیں مشک ءِسردیں آپاں گوں چادر آپ جت ءَ ءُ منا پر داتگ ۔
حفیظ جان، زندگی ءَ سُٹُکّے بِجن ءُ چہ پُرّیں واب ءَ بہ ٹُوھیں کہ ساربان ءِ واب کپگ گَلگ ءَ ژیمب ءُ گَر ءُ کورچاتاں چگل دنت۔ واب ءُ بے سوبی ءِ بے سوبیں گْوشتن ھم چہ تئی پچیں چمّاں اندر نہ اَنت۔ واب ھما وھد ءَ وشّ اِنت ءُ دل ءُ جاناں کپ اِیت وھدے کار سرجم ءُ گیگ بہ بنت۔ انّوں واب مہ کپ کہ انّیگیں واب مارا چہ آگھی ءِ کھچراں دُور بارت ءُ تھنا “بے مانائیں وابانی” میار کنت۔