0 Members and 1 Guest are viewing this topic.
آزمانک درمُلکحفیظ عبداللہحمل من ترا جُست ءِ کنءَ ” من پسو دات بکن، جُست کنگ ءَ ساری چیا جُست کن ءِ پہ جُست ءِ وست ءَ، منی ءُ تئی میان ءَ چے ھبر چیر اِنت کہ جُست ءَ ساری دل ءَ جیڑءِ کہ باریں حمل دل ءَ کاریت یا نا من ءُ تو کجام مزاق و مسکرا نہ کُتگ ءَ کہ اے رندی تئی ھبرءَ دل ءَ بکن ءَ۔ گُڈا محمدءَ من ءَ جُست کُت ۔کہ ” تو ادا مئے مُلک ءَ چیا اتکگ ءِ؟”من گوں مسکرا گُشت من محمد ھمک شپ کہ تئی گوما وتی وطن اے حال و قصہ اورتگاں کہ مئے وطن پہ زور دستگیر کنگ بوت ءَ و مئے قوم ھمائیں کہ پہ وتی سرزمیں ءِ وست ءَ جنگ کنگ ءَ انت روچے باریں چُنت شھید کنگ بیت ھزارانی ھساب ءَ بےلوگ کنگ بیت و ما پہ ھمے شمیں لاپ ءِ ھاتر ءَ چو درملک انت تئی گوما چو شپچر ءَ درنگیں و چو واجہ لوگ ءِ داپے کُچک ءَ باریں اے دروازگ ءِ دیما چارویں انت و باریں آ دروازگے دپ ءَ۔ من ھمائیں کہ ھبر کنگءَ بَلے محمد منا چارگ انت ءُ بچکندگ ءَا نت من وتی ھبر ھلاس کُت گوںڈیں ساھت ءِ ھاموشی ءَ محمد گوں تژن و مسکرا من ءَ جواب ترینت کہ من واجہ گیسے کُچک نیاں و من ھمنچو شپاں بے واب باں وھدے ڈیوٹیءَ ھلاس کن ءَ لوگ ءَ روان منا گوں سکون ءَ واب کیت و من دل ءَ دلجماں کہ من ڈیوٹی ءِ پاس ءَ وتی وطن ءِ خدمت کُتگ۔ بَلے تُو ۔۔۔ ؟ چو کُچک ءَ شپچر ءَ۔۔۔؟ تھنا لاپ ءِ۔۔۔۔؟حمل!! تو اے کُرشی ءِ سرا نشتگ ءِ یک وھدے تئی پت ءَ ھم ھمدءَ چو شپچر ءَ شپ ءِ آگائی کاٹیت ءَ وتی چم کور کُتگاں۔ مرچی تو باند ءَ تئی چُک۔۔۔ محمدءِ یکیں جُست ءَ مئے میان ءَ لکیر ءِ کَشیت۔ من ھما دمان ءَ پاداتک ءَ وتی تُپنگ زورت ، وتی و محمد ءِ تُپنگ چاراتاں منا پورا لَٹ ءِ گون ات و محمد ءَ تُپنگ ءِ۔کمو دیمترءَ تھاری ءَ شُتاں چاراں یک کُچک ءِ آگاہ انت، شپچر ءِ آوازاںت۔من ھمے شپچر ءِ آوازءَ پد جنگاتاں کہ محمد ءَ منا آواز دات۔”حمل! او حمل !! منا دیگر ھبر بُگش کہ تئی نام حمل انت پرچا؟؟ حمل ءِ مھنا چے انت؟؟؟ شُمے مُلک ءَ زاناں حمل یک مشہوریں مردم ءِ نام بوت ءَ ؟؟؟؟؟حفیظ عبداللہ
shome minath