Author Topic: کریم بلوچ _ تـَهـل اِشکُتگیں آزمانک  (Read 1724 times)

0 Members and 1 Guest are viewing this topic.

Offline Zahida Raees Raji

  • Administrator
  • *****
  • Posts: 7081
  • Karma: 356
    • Baask-Home of Baluchi Language, Literature & Culture
کریم بلوچ _ تـَهـل اِشکُتگیں آزمانک
« on: November 24, 2011, 10:46:33 PM »
کریم بلوچ _ تـَهـل اِشکُتگیں آزمانک
کلاه ءَ گوک وارت !
گوئشنت که روچے دو مردم ءِ نیام ءَ اڑاندے ( جنجالے ) بیت و اڑاند ءِ سرا جنگ بیت انت . یکے هَستگار و سیریں مردمے ات که نیزگاریں مردمے ءِ ڈگاری چیرجَتـَگ و واهُندی کتگ ات . دوئیں مرد ءَ مردم سِـیـلینت و جتا کت انت و گوئشت انت که ملا ءِ کِرّ ءَ په شَر ءِ جـنـَگ ءَ برو انت .

دوئیں مرد په آهانی شر ءِ جَـنـَگ ءَ ملای ءِ وَٹ_ کـِـرّ _ ءَ شُت انت تاں که آهانی جنجال ءَ به گیشینیت و داد ءَ حقدار ءَ به دنت .

نیزگاریں مرد ءَ جوانیں کلاهے وام کرت و په واجه ملای ءَ بُرت و وتی شکایت ئی پیش کرت و چه واجه ملای ءَ دَزبندی ئی کت که آئی ءِ ڈگار ءَ که سرجمین مهلوک زانگ انت که همایی ءِ جند ءِ مِلک انت ، همایی ءَ دَیگ به بیت و واجه ملا په راستی وتی شر ءَ به جَنت .

واجه ملا گوئشت :

- میریں بلوچ دلجم بئے که من هبر ءَ په حق ءَ گوئشاں وا چونائیا من وت هم زانگاں که اے ڈگار تئی میراث انت ، تئی حق چون چه تو پُلگ و بَرگ بیت ؟...

کترهے ءَ رند هستگاریں مرد هم گوں شیری گوکے واجه ملای ءِ دروازگ ءَ اوشتات و دست و دروت ءَ چه رند شیری گوک ءَ ملای ءَ دات تاں ملای ءِ چکاں شیرے وارت بکن انت . رند ءَ ملای ءِ دیوان ءَ نشت و چه واجه ملای ءَ پهلّی ئی لوٹ اِت که چـِد و پیش واجه ءِ سلاماں نیاتکگ ، بلے همے زیتاں وتی مال ءِ دَهیـَک و پنچیـَک ءَ الّم کـَشّ اِیت و په واجه ملای کاریت .

ایدگه روچیں ، ملای ءَ په نیزگار و هستگار ءِ شر ءِ جـَنـَگ ءَ مردماں مُچ کت و چه نیزگار ءَ ڈگار ءِ سَـنـَد و کاگد ءِ لوٹ ءَ کت تاں پـَدّر به بیت که اے همایی ءِ ڈگار انت .

نیزگار ءَ گوئشت :

- چون واجه ملا ؛ اے ملک ءَ زانان _ دَنا _ کسے ءَ ملکیت ءِ کاگد هست انت که منا به بیت ؟...

نیزگار ءِ هبر هنگت نه کـُـٹـِتـَگ ات که ملا آهانی شَر ءَ جَت و گیشینت که ڈگار هما هستگار ءِ جند ءِ ڈگار انت و نیزگار ءِ هُشکیں بُهتام انت ...

نیزگار ءَ گوانک جَت :

- واجه ملا زانان تو مردماں جُست کت نه کن ئے و زانان شمئی هزگاریں - هستگاریں - مرد ءَ کجام کاگدے هست ؟

ملا پسّو دات :

- بلوچ من ترا پول کت ، ترا کاگد نیست انت ، همے په منی شَر ءِ جَـنـَگ و گِیشینگ ءَ بس انت.

نیزگاریں مرد ءَ دل داشت نه کت و کوکار ئی کت :

- واجه گـُـڑاں منی کلاه ءِ گـَپ چے بیت ؟

ملای ءَ پسو گردینت :

- کلاه ءَ گوک وارت !

Zahida Raees :Raji:
baaskadmin@gmail.com , admin@baask.com
Learn Baluchi Composing in INPAGE
Learn Balochi Poetry Background Designing
Help Line

Offline Hameed Maoj حميد موج

  • Baluchi Nadkaar بلوچی ندکار
  • ***
  • Posts: 360
  • Karma: 12
Re: کریم بلوچ _ تـَهـل اِشکُتگیں آزمانک
« Reply #1 on: November 25, 2011, 02:16:07 PM »
baaz wash