Author Topic: وَتـی چَـمّـانـی دیـدءَ بَـدَل کـن  (Read 1154 times)

0 Members and 1 Guest are viewing this topic.

Offline Adabi Hakim ادبی ھکیم

  • Balochi Zaantkaar
  • ***
  • Posts: 1183
  • Karma: 44
وَتـی چَـمّـانـی دیـدءَ بَـدَل کـن
« on: September 18, 2013, 12:54:33 PM »
وَتـی چَـمّـانـی دیـدءَ بَـدَل کـن
نـبـشـتـانـکـار : ......... زانَـگ نـہ بـیـت.
رجـانکـار : ادَبی هـکـیـم
---------------------------------------
گـوَش اَنـت کـہ سَـوداگِـرے هَـست اَت آئـیءِ وَرنـائـیـں زَهـگ مُـدام سُـسـتءُ پـریـشـان اَت سـوداگِــرءَ بـاز مال هَرج کـُـرت کـہ وَتـی زَهـگءَ وَشّـهـال بـہ کـنـت بـلے آ گـیـشـتـر سُـسـت ءُ پـریـشـان بـوُت آسَـرءَ سـوادگِـرءَ وَتـی زَهـگ یَـکّ کـواسـیـں هَـکـیـمـےءِ گـورا بُـرت ، هـکـیـم مـاں یـکّ مَـزَنـیـنءُ ڈولـداریـں مـاڈی یـے نـشـتَـگ اَت ، آ هـنـچـو کـہ هَـکـیـمءِ گـورا رَس اِت اَنـت سـوداگِـرءَ جُـسـت کـُـرت ، هَـکـیـم تـو اَگـاں وَشـهـالـیءِ رازءَ زان ئَے گــڑا مـارا بـہ گـوَش ، هـکـیـمءَ گـوَشت بـچـار مـنـی گـورا ایـنـچـو وَهــد نـیـسـت کـہ مـن اے رازءِ بـارَوا تـرا سـبَـک بـہ دَیـاں ، هـکـیـمءَ چَـمـچُـکے چـہ روگـنءَ پُـرّ کـُـرت ءُ وَرنـاءِ دسـتءَ دات ، آئـیءَ گـوَشـت اے چَـمـچُـکءَ دسـتءَ کـن تاں دو اَدار اے مـاڈیءِ تـهـا ءُ دَرا چَـهـر بـہ وَر ، بـچـار تـو چـے گـنـدئَے ؟ بـلے بـچـار کـہ چَـمـچُـکءِ تَـہ ءِ روگـن جَـهـلءَ مـہ رچ اَنـت ، وَرنـا ءَ چـمـچُـک دسـتءَکـرت ءُ شُـت ، دو اَدارءَ رَنـد آتـک هَـکـیـمءَ جُـسـت کـرت هـاں وَرنـا تـو ماں مـنـی مـاڈیءِ تـهـا ءُ آئـی ءِ چـپءُ چـاگــردءَ چـے دیـسـت ؟ اودا کـتـابـجـاهے هَـسـت کـہ چـہ کـتـابـاں پُـرّاِنـت تـو آ کـتـاب دیـسـت اَنـت؟ وَرنـاءَ گـوَشـت نـاں !. آدگے نـیـمَـگءِ نـنـدَگـی جـاهءَ بـازیـں ڈولـداریـں بُـت ءُ کـوَهـنـیـں زَمـانَـگءِ هُـمـبّءُ کـونـزّگ هَـسـت ، تـو آ دیـسـت اَنـت؟ وَرنـاءَ گـوَشـت نـاں !. مـاڈیءِ دَری نـیـمَـگءَ یـکّ ڈولـداریـں بـاگے هَـسـت تـو آ بـاگءِ پُــلّ دیـسـت اَنـت ؟ وَرنـاءَ گـوَشـت نـاں !. هَـکـیـمءَ جُـسـت کـرت تـو پـرچـا نـہ چـاراِت اَنـت ؟ وَرنـاءَ گـوَشـت واجَـہ مـنـی چَـمّ گـوں چَـمـچُـکءَ سَـکّ اِت اَنـت کـہ آئـی ءِ روگـن زُمـیـنّءَ مـہ رچ اَنـت ، هَکـیـمءَ گـوَشـت شَـرّ اِنـت نـوں تـو چَـمـچُـکءَ ایـر کـن ءُ بُـرو پَـدا هَـمـا جاگـهـانءَ بچار تو چے گـنـدئَے؟ وَرنـا شُـت ءُ آتـک ، هَـکـیـمّءَ جُـسـت کـرت ، هـاں وَرنـا تـو چـے دیـسـت ؟ ورنـاءَ گـوَشـت واجَـہ تـئـی مـاڈی بـاز ڈولـدار اِنـت آئـیءِ کـتـابـجـاه ءُ آئـیءِ نِـنـدَگی جـاه بـاز ڈولـداراَنـت دَرءِ بـاگ گـوں وَشـبـوئـیـں پُـلّاں گـُـش ئَے گـُـلـبـاگے ، واجَـہ اے چـوں!. مَـن وَ پـیـسـَـرا اے نـہ دیـسـت اَنـت ؟هَـکـیـم ءَ گـوَشـت پَـمـشـا کـہ آوَهـدءَ تـئـی چَـمّ ، تـئـی هـوش ءُ تـئـی دل گـوں دگـے چـیـزےءَ دلـگـوش ات اَنـت تـرا پـہ اے دگـے چـیـزّانـی چـارَگءَ مـوه نـہ رَس اِت ، بـچـار وَرنـا هـاوَنـد ءِ داتَـگـیـں زنـد بـاز وَشّ اِنـت بـلے هَـنـچـو کـہ مـا آرا پـہ شَـرّیـں دیـدے بـچـارایـں ، زنـدءِ گـم چـوں هَـمے چَـمـچُـکءَ اَنـت ، تـاں کـہ مـئے چَـمّ گـمءِ سـرا سَـکّ اَنـت مـا آدگـے چـیـزّانی شَـرّیـں نـدارَگءَ نـہ گِــنـدایـں ، مـارا هـاوَنــدءِ آدگے چـیـزّانـی کـَـدر هَـم کـنَگ لـوٹ ایـت.
هـاوَنــدءِ شگــرءَ بـہ گِــر کـہ آئـیءَ پـہ مـا بـاز چـیـزّ بَـکـشـاتَـگ.
[/b]