گونڈیں قصہ ی حضرت ابراھیم.
اللہ سبحانہ و تعالیء ماہ و استاران مزنین کارے ماں بڑا داتگ.
ھنچوش کہ بلوچ گؤش انت نجومی دیمی حال معلوم بئیوک.
نمرودا وتئ پادشاھی دعورا بازئین نجومی یے ھست ات.
کہ ھر روچ آئیان ماہ و استارانی حساب کعش ات و دیم ے حال اش گؤشت.
یک وھدے ماہ و استارانی حساب اش کعش ات و نمرود ایش گؤشت کہ یک چوکے چہ ماتء پیداگ بیت کہ تئ پادشاھی تحت پروش ایت.
گوڑا نمرودا امر دات کہ ھچ کس وپت واب گون وتئ جناں مہ کنت مطلب جن و مرد ھورا وپت واب مہ کن انت.
حضرت ابراھیم ی پت نمرودی خاص نگہپان ات، و اللہ امرا بی بی کہ حضرت ابراھیم ی مات ات. حواھشاتء جاہ جت چہ لوگء دعر آتک و شوت آذرئے چار ات کہ آذرا یک دارے ماں دستء داشتگ ات کہ دارے سرا آس روک ات و نمرود وپتگ ات.
وھدے کہ آذری چم پہ بی بیء کپت آئ ھوں حواھشاتء جاہ جت بلہ نہ توانتی کہ نمرودی خاصیں نگہپان ات،
گوڑا امر اللہء یک فرشتہ ی آتک و داری چہ آذری دستء پچ گپت و وتئ دار داشت پہ حساب آذر،
و آذر و بی بی یکجاہ بیت انت
کہ حضرت ابراھیم ماں لاپء کپت ماں ھما شپء.
صباحء نمرودا امر دات کہ بارئین نجومیاں بچار ات کہ چہ حبر انت گوڑا نجومیاں گؤشت کہ واجہ دوشئ چوک ماں مات لاپء کپتگ.
نمرودا امر دات کہ ھر چوکے چہ مات بیت کوشعگ بہ بیت، و امر انجام دیعگ بیت ھرچ چوکے کہ چہ ماتء بیت کوشت اش.
امر اللہء بی بی لاپ جاہ نیاتک کہ چوک ی ھست ایں و کسء نزانت، تاں ماہ و روچی وتئیگ بیت انت،
گوڑا پریشان بیت کہ ماں لوگء چوک و مات بہ بیت چوک ائے گیند انت نمرودی کارمندے کوش انت.
گوڑا چہ تروسء لہتے چوکی لری و گودی زرت و دعر آتک چہ بازارا یک گورے شوت جاگاھے امنیں شوھازی کت ماں ھوڈے چوک و مات بیت.
اللہ ے امر ات کہ بی بی ائے دراھین ھمت دات و بی بی چہ چوک و مات بیعگا رند حضرت ابراھیم ائے میچ اینت و لریانی سرئے واپ اینت و شوت وتئ لوگء تاں کسے شک مہ کنت.
حضرت ابراھیم چو اے دگہ چوکانی ڈولا نہ ھت یک عجیب ایں چوکی ات کہ بی بیء وھدے دیست وت حیران بیت گؤش ئے یک سالگی چوکی ات.
گوڑا ھمے ڈولا بی بی ھر وھد پہ میچینگ ئے چیروکانی یے آتک
میچ اینتی و شوت بلہ حضرت ابراھیما چہ جنتء شیر و بینعگ
دیعگ بیت کہ یک دستے ماں دپ ائے کت شیر اتنت و آدگہ دست ائے جنتی بینعگ اتنت.
بی بی زانت کہ قدرتی چوکے اؤ چہ آئ روچ دعر روچ مزن بیعگا و شیر بینعگ باروا پمشا بی بی پریشان نہ ھت و دلجم ات.
