Author Topic: چـُـكانی ديوان هانس کریستن آندرسن  (Read 4975 times)

0 Members and 1 Guest are viewing this topic.

Offline Zahida Raees Raji

  • Administrator
  • *****
  • Posts: 7089
  • Karma: 356
    • Baask-Home of Baluchi Language, Literature & Culture
چـُـكانی ديوان هانس کریستن آندرسن
« on: November 30, 2013, 08:07:35 AM »

چـُـكانی ديوان هانس کریستن آندرسن
--------------- -----------------------
تـَــرينــــوك : كريم بلوچ _ تهل

پَـكائيں شَهزاتيں كاڑ و مَٹــَر

هست ات يك شهزاتيں ورنااے كه لوٹـِت ئی ، وَتی مَـٹ و همريشيں شهزاتيں جَنِكے ءِ پَـجّـی ( گون )ءَ سانگ و سير به كنت . هَـو ؛ دلجميں و پَـكائيں شهزاتئں كاڑ ( جنک )ے .
په چُشيں جنكے اے شوهاز و وَدِی كنَـگ ءَ ،آ ، سرجميں دُگنيا _ دنيا _ ی ءَ گـَشت و شُت ؛ بَلے وتی دل ءِ مَٹ و همريش و دَروَرئی وَدِی نه كت . شهزاتيں جَنِك وا باز ات ، بلے اے كه دلجميں و پَـكائيں شهزات به بنت ،آ ، دوچار نه كـَپت. مدام آهانی يك نه يك كِردے ، پكائيں شهزات ءِ كِرد ءَ چه دور ات . آهر ءَ آ ، اِيوَك _ تهنا _ ءَ ، بے بَـلّ و سانگ ءَ ؛گوں پُرُشتگيں و بَژنيگيں دلے ءَ ، لوگ ءَ واترّ بيت ؛ سك ارمانيگ و هُدوك ات كه راستيں و پَكـّائيں شهزاتيں مِنْڈ و جنكے ، ودی و سير بكنت .
هما بيگاهين ءَ، سَكّ تُرُنديں هَؤر و گواتے بيت . كوكراں گرئنداں و گِروك جناں ،هَؤراں شِنزان اتنت؛ سياه و جُبـَه ريشيں هَؤراں چه ، ڈگار ءَ بيمے مانپوشتگ ات ! يك بَرِے كه شاهی ماڑی و كـَلات ءِ دَروازگ ءَ يكے ٹــُـكـّـينت . پيريں بادشاه وَت شُت دروازگ ءَ كه بزانت كے انت .
دروازگ ءِ پُشت ءَ ، سَوْنا و مَه ديميں كاڑے اوشتاتگ ات كه پَريانی مَٹ و بَدَل ات ، هَؤر ءَ تَر و لِيچَك كتگ ات. آپ چه آئی ءِ ملگور و پَشك و گـُداں ، رِچاں و چـِـتــَـان اَت . آئی ءِ جوراب و چَـبّو _‌ كـَؤش ، بوٹ _ هم چه آپ ءَ پُرّ بيتگ اتنت بوٹ و جوراباں ، چه جان و گـُدانی آپ ، پُر بيتگ اتنت و آپ سَر ريچ كتگ ات . مه رنگيں كاڑ گوئشت كه آ : پَكائيں شهزاتيں كاڑے انت !
« ايشی ءَ ما ، رندترا مالوم كنيں ! » _ پيريں شهبانُـك ءَ وتی دل ءَ گوئشت ، بلے هچ ٹــَوْك و هبر ئی نه كت . شت كه جنك ءِ هبر ءَ به چكاسيت . شت و چه واب ءِ تَهت ءَ ، سرجميں پوش ، بوپ ، لِهيپ و بالشتاں زرت انت و تَهت ءِ دار ءِ سَرا ، يك دانگے مـَـٹــَـر اير كت و مـَٹر ءِ سربُرا ، بيست _ گِيست _ بوپ ،و بوپانی بُرزگ ءَ ،بيست نرميں لهيپ چير گِهت انت و شه بانك ءَ ، مهمانيں شهزاتيں كاڑ ءَ ، شَپ ءَ همودان واپينت كه آرام به كنت .
سَباه ءَ ، سَباه وَش ءَ چه رَند ، شهزاتيں كاڑ اش سوج كت كه شپ ئی چون واب و آرام كتگ .
_ اوه ، سوج ءَ مه كن ات ! _ كاڑ ءَ جواب دات _ سرجميں شپ ءَ ، يك دمانے هم ، منی چم مُٹ و بند نه بيتگ انت . هدا بزانت كه منی وابجاه و لهيپان ءَ چے بيتگ ات يا چے اش مان ات . من باز سَكيں و ڈِكين جاهے ءَ وپتگ اتاں و منی جان ءِ گوشت پهك سهر و لـَـپـَــڑ بيتگ ! تو گوئش ئے من ڈَلے ءَ وپتگاں !
چو پَهك سرپد بيت انت كه آهانی شهزاتيں مهمان ، پكائيں شهزاتيں كاڑے انت ! آ چه گيست _ بيست _ بوپ و بيست پر پُٹِـيں لهيپ ءِ بُرزگ ءَ ، مٹـَـر ءِ سَـكـّـی ءَ مارتگ ات .
تهنا پكائيں و راستيں شهزاتين كاڑے ءِ جان ، چُش نازرك و نازاك بيت كنت و بس.
شهزاتيں ورنا ، گوں همے شهزاتيں مِنڈ _ جَنِك _ ءَ سانگ و سير كت . پرچا كه هنون آ ، دلجم بيتگ ات كه پكائيں و راستيں شهزاتيں جنكے ءِ گون ءَ سير كنگ انت .
سَكـّيں و ڈلگيں مَٹـَر اش ، دُزانی جاه ءَ بندی كت ، تا كه هركس بزانت و به چاريت كه سَكـّی و نه وَشی‌ءِ شزا چے انت. اگں دُزاں ، مَٹر ءَ نه دزتگ هنگت همودان بندی انت .
بزان ات كه اے راستيں و پكائيں گپ و هبرے !
Zahida Raees :Raji:
baaskadmin@gmail.com , admin@baask.com
Learn Baluchi Composing in INPAGE
Learn Balochi Poetry Background Designing
Help Line