Author Topic: اُســتــاد ءِ اُســتــادی  (Read 1821 times)

0 Members and 1 Guest are viewing this topic.

Offline Adabi Hakim ادبی ھکیم

  • Balochi Zaantkaar
  • ***
  • Posts: 1183
  • Karma: 44
اُســتــاد ءِ اُســتــادی
« on: November 16, 2013, 04:31:53 PM »
اُسـتـادءِ اُسـتـادی
ادَبـی هَـکـیـم
-----------------
اُسـتـادءُ شـاگِـردے بـاگـانی سَـیـل چـارَگءَ شُـت اَنـت دیسـت اِش کـہ دهـکـانےءِ کـَـوش یَـکّ نـیـمَـگےءَ کـپـتَـگ اَنـت ءُ آئـی دگے نـیـمَـگےءَ کـار کـنَـگءَ اِنـت شـاگِـردءَ گـوَشـت اُسـتـاد مـن گـوں اے دهـکانءَ گـوازی کـنـاں اُسـتـادءَ جُـسـت کـرت چـونـیـں گـوازی یـے کـن ئَے ؟ شـاگـردءَ گـوَشـت مـن اے دهـکـانءِ کـَـوشـانءَ چـیـر دَیـاں رَنـدا چـاراں بـاریـں دهـکـاں چـون کـنـت !.
اسـتـادءَ گـوَشـت اِنّـاں مـنـی چُـکّ دگـرےءَ سـیـہ دل کـنَـگ ءُ وَتءَ وَشّـدِل کـنَـگ شـرّیـں کـارے نَے اِنـت بـلـے شـاگِـردءَ هُــجّ کـرت کـہ مـن اے دهـکـانءِ نـیـزگـاریءَ چَـکّـاسـاں اُسـتـادءَ گـوَشـت تـو دگے کـارے بـہ کـن دهـکـانءِ کـوشـانـی تـهـا لَـهـتے کـلـدار مـاں بـہ کـن شَــرّ تِـراِنـت رَنـدا بـچـار آ چون کـنـت شـاگِـردءَ لَـهـتے کـلـدار مـاں دهـکـانءِ کـوشـاں ایـر کـُـرت آئـیءُ اُسـتـاد درَچـکـانـی پُـشـتءَ پـہ دهـکـانءِ سَـیـل چـارَگءَ اوشـتـات اَنـت دیـرےءَ رَنـد دهـکـانءَ وَتـی کـار آسَـر کـُـرت کـوشـانـی پـاد کـنَـگءَ آتـک وَهـدے کـہ آئـیءَ وَتـی پـاد مـاں یَـکّـیـں کـوشءِ تـهـا گـوازیـنـت آئـیءَ مـاراِشـت بـوُت کـہ مـاں کـوشءِ تـهـا چـیـزے هَـسـت دهـکـانءَ کـَـوش چَـنـڈاِت کـلـدار دَرآتـک اَنـت پَـدا آئـیءَ دومـی کـَـوش چَـنـڈاِت چـہ آئـیءَ هَـم کـلـدار دَراتـک دهـکـانءَ وَتـی اے نـیـمَـگءُ آ نـیـمَـگءَ چـاراِت کـَـس نـیـسـت اَت دِهـکـان پـہ وَتـی دوئـیـں کـونــڈاں زُمـیـنءِ سَـرا جُـکّ اِت آئـیءَ وَتـی دَسـت آزمـانءِ نـیـمَـگءَ تـچـک کـُـرت اَنـت گـریـوَگءَ لَـگّ اِت آئـیءَ گـوَشـت اَے هـاوَنــد تـو مـنـی هـالءَ سَـرپَــد ئَے کـہ مـنـی زال نـادراه اِنـت لـوگءَ مـنـی کـسـانـیـں چُـکّ شُـدیـگ اَنـت پَـمـشـا تـو مـنءَ مـروچـی مـدَت کـرتَـگ اَے هـاوَنــد مـن تـئـی شُـگـرءُ مِـنّـتءَ گِــراں کـہ تـو مـروچـی مـنءُ مـنـی لـوگءِ مـهـلـوُکءَ چـہ شُـدءِ گـاسءَ رَکّـیـنـت اَنـت اودءَ دِهـکـاں گـریـوَگءَاَت اِدءَ اُسـتـادءُ شـاگِــرد ءِ چَـمّ چـہ ارسـاں پُــرّاِت اَنـت رَنـدا اُسـتـادءَ گـوَشـت اگـاں تـو وَتـی اولـی پـگــرءَ کـار بـہ بَـسـتـیـں اے وَهــدءَ دهـکـاں چــو وَشّـهـال نـہ بـوُتَـگ اَت شـاگِــرد چـہ اُسـتـادءَ بـاز شـرمـِنـدَگ بـوُت آئـیءَ گـوَشـت واجَـہ مـروچـی مـن ءَ نـیـزگـارءِ گـمءُ وَشـهـالـیءِ سَـبَـک رَس اِت مـروچـی مـن بـاز وَشّـهـالاں مـنءَ پـہ تـئـی اُسـتـادیءَ پَـهـر اِنـت.     
[/b]