Author Topic: بلوچی اَدبءِ لوٹ چی اِنت ؟  (Read 2026 times)

0 Members and 1 Guest are viewing this topic.

Offline Zahida Raees Raji

  • Administrator
  • *****
  • Posts: 7082
  • Karma: 356
    • Baask-Home of Baluchi Language, Literature & Culture
بلوچی اَدبءِ لوٹ چی اِنت ؟
« on: February 18, 2015, 02:21:29 PM »

بلوچی اَدبءِ لوٹ چی اِنت ؟
____________________________
ادبءِ مستریں لوٹ زبان دوستی اِنت ءُ زانت ءُ زانش ءُ جھدکاری ءُ یک رھبندے سرءَ تپاک کنگ اِنت وھدیکہ یک راجے وتی زبانءَ دوست داراِیت وتی دودءُ ربیدگءَ دوست داراِیت ءُ جھدءِ میدانءَ ایمانداریءِ سرءَ وتی جھداں دیمءَ کاراِیت ءُ وتی زبانءِ پلگارگ ءُ ساپ ءُ سلہ کنگءِ جھدءَ کنت آ راج اَلمءَ وتی واھگانی منزلءَ سر بیت اگاں ما بلوچ راج وتی زبانءَ زندگ کنگ لوٹ اِیں گُڑا مارا بلوچ بوگ لوٹ اِیت وھدیکہ ما پہ بلوچی چمان ءُ بلوچی زانتءَ وتی رھبندءَسیدءِ سیاھگءَ چاریں آ ڈولدار گندگءَ کئیت اگاں ما درآمد دوست ءُ ادگے زباناں دوست داریں گُڑا گپ ھما ناتپاکی سرءَ کئیت ءُ آپ ء سر ءُ کشگءِ رندگ بیت!!!!!!!
بازیں واجھیں براتانی گوشگ اِنت کہ علیءَ اگاں شمابلوچی رھبندءَ اَلی نبشتہ کن اِت سک بَڈّول بیت ءُ وش گندگءَ نئیت بلے من ھمے واجھیں براتاں گُشگ لوٹاں کہ شما وتی بلوچی چمان بزوراِت ءُ بلوچی رھبندءَ بچار اِت سک ڈولدار گندگءَ کئیت یا شما زانتءِ چماں بزوراِت ءُ بلوچی رھبندءُ گال ءُ گالوارانی مجگءَ سرپد ءُ زانت کار بہ اِت گڑا,اِے بلوچی رھبند سک زیبناک ءُ ڈولدار ءُ وش گندگ کئیت بلے بلوچ بوگ ءُ زبان دوست بوگ اَلمی اِنت ءُ دومی زبانءِ سرہد بوگءَ زبان زانتی اَلمی اِنت ءُ زبانءِ رھبندءِ گیش گیوار واست ءَ تپاکی زلورت اِنت ءُ اے کارانی واستءَ ماھر لسانیاتانی زلورت اِنت کہ آ سیدءِ رھبندءَ سرپد بہ بنت ءُ درست ھمے رھبندءِ سرءَ تپاک بہ کن اَنت ءُ وتی واھگ ءُ بلوچ ءُ بلوچی ءُ بلوچڈیھ دوستیءَ وتی ھون ءُ رگانی تھءَ ھوار بہ کن اَنت گُڑا مئے زبان دیمروی کُت کنت ءُ وتی واھگانی منزلءَ سر بیت منی ھیالءَ بلوچی ادب ءِ لوٹ ھمے چیزاَنت!!!!!!
اَلی جُمّا زامرانی
Zahida Raees :Raji:
baaskadmin@gmail.com , admin@baask.com
Learn Baluchi Composing in INPAGE
Learn Balochi Poetry Background Designing
Help Line