Author Topic: مَـن ءُ یَـک مُـلاّیـے  (Read 2667 times)

0 Members and 1 Guest are viewing this topic.

Offline Adabi Hakim ادبی ھکیم

  • Balochi Zaantkaar
  • ***
  • Posts: 1183
  • Karma: 44
مَـن ءُ یَـک مُـلاّیـے
« on: April 30, 2017, 01:58:42 AM »
مَـن ءُ یَـک مُـلاّیـے
ادَبــی هَـکـیـم
-------------------
مَـن : پُـلّـیـں دروُت ءُ درَهـبـات واجَـہ .
مُـلّا : تـو چـے گـُـوَشـت؟!!!..
مَـن : مـن گـُـوَشـت سـلام عـلـیـکـم واجَـہ .
مُـلاّ : هـاں ، عـلـیـکـم سـلام بـلـے مـن دگـے وَڑے ءَ اِشـکـُـت.
مَـن : مـن زان آں کـہ تـو اِشـکـُـت بـلـے آ گـپ تـرا مـان نَـیـاتـک؟
مُـلاّ : آ گـپ مـئـے نـہ اِنـت !!!..
مَـن :  واجَـہ آ گـپ گـڑا کـَـئـیـگ اِنـت ؟!!!...
مُـلاّ : نـہ زان آں .
مَـن : چـوں تـو نـہ زان ئـے واجَـہ ، زانـاں تـو بـلـوچـے نـہ ئـے ؟!!!..
مُـلّا : مـن بـلـوچـے آں بـلـے مـن وَتـی زبان ءَ دَر نـہ بُـرتَـگ.
مَـن : تـو وَتـی مـاتـی زبـان ءَ دَر نـہ بُـرتَـگ ؟!!! پـرچـے ؟!!!..
مُـلّا : پَـمـش ءَ کـہ مـن دیـن ءِ کـتـاب دَر بُـرتَـگ اَنـت.
مـن : تـو کـُـجـام دیـن ءِ کـتـاب دَر بُـرتَـگ اَنـت؟!!!..
مُـلاّ : مـن اِسـلام ءِ دیـن ءِ کـتـاب دَر بُـرتَـگ اَنـت.
مَـن : زانـاں اِسـلام ءِ دیـن ءِ کـتـابـانـی تـهـ ءَ هَـنـچـو نـبـشـتَـگ کـہ تـو وَتـی مـاتـی زبـان ءَ دَر مـہ بَـر ؟!!!...
مُـلاّ : نـہ چـو نـہ نـبـشـتَـگ بـلـے مـن گـوں دَریـں زبـانـاں هـیـل کـُـرتَـگ.
مَـن : تـو هِـیـل کـُـرتَـگ یـاں تـو وت وَت ءَ هَـمـے پَـیـمـا هِـیـل داتَـگ؟!!!...
مُـلاّ : نـوں وَ بـوُتَـگ.
مَـن : گـڑا دیـن ءِ کـتـابـاں تـرا چـے بَـلَـد کـُـرتَـگ؟
مُـلاّ : هـاوَنـد ءِ بَـنـدگـی کـنَـگ ءُ اِنـسـانـانـى هِـزمَـت کـنَـگ.
مَـن : کـُـجـام اِنـسـانـانـى هِـزمَـت کـنَـگ؟!!!.
مُـلاّ : تـیـبَـگـیـں دُنـیـا ءِ اِنـسـانـانـى هِـزمَـت کـنَـگ .
مَـن : گـڑا تـو پـرچـے وَتـی مُـلـک ءِ اِنـسـانـانـی هِـزمَـت ءَ نـہ کـن ئـے ؟!!!..
مُـلاّ : چـونـیـں هِـزمَـت بـہ کـن آں؟
مَـن : تـو دگـے هِـچّ مـہ کـَـن بَـس هَـکـدار ءِ کـَـش ءَ بـہ اوشـت ءُ نـاهَـکّ ءَ بـہ ڈوبـار ، چـہ هـاوَنـد ءَ بـہ لـوٹ کـہ هَـکـدار ءِ مَـدَت ءَ بـہ کـَـنـت ءُ نـاهَـک ءَ پـرُشـت پـروش بـہ کـَـنـت .
مُـلاّ : نُـمـاز ءِ وَهـد آتـکـگ مـن نُـمـاز ءَ رَوآں .
مَـن : بُـرو نُـمـاز بـہ کـن بـلـے اِے گـپ ءَ بـزان کـہ یَـک روچـے کـَـیـت هـاوَنـد اِے جُـسـت ءَ چـہ تـو کـَـنـت پـرچـے کـہ هـاوَنـد ءَ تـرا گـُوَشـتَـگ  پـیـسـرا تـو وَتـی مُـلـک ءِ بـرَهـنَـگـیـں مَـردُمـانـی سـرءَ چـادَرے پـر بـہ دَے ءُ رَنـدا دُنـیـا ءِ آدگـے مَـردُمـانـی پُـوشـاک ءِ پـگـر ءَ بـہ کـن  .
مُـلاّ : مـن ءَ پَـهِـل کـَـن ، نـمـاز ءَ رَوَگ ءَ مـن ءَ اِشـتـاپ اِنـت.
مَـن : نُـمـاز ءَ بُـرو بـلـے نـہ مـن تـرا پَـهِـلّ کـن آں ءُ نـہ کـہ مـنـی بَـزّگـیـں راج تـرا پَـهِـلّ کـنـت.
[/b]