Author Topic: او مـنـی دل ءِ دوسـت  (Read 4032 times)

0 Members and 1 Guest are viewing this topic.

Offline Adabi Hakim ادبی ھکیم

  • Balochi Zaantkaar
  • ***
  • Posts: 1183
  • Karma: 44
او مـنـی دل ءِ دوسـت
« on: December 29, 2018, 10:23:29 PM »
او مَـنـی دِل ءِ دوسـت اِے زیـبـداریـں نـبـشـتـانـک ءَ بُـوان .
رجـانـکـار : ادَبـی هَـکـیـم
----------------------------------------------------------
مَـنـی پـت زَرّ لـوٹ آں !!!...
مـنـی پـت نـوکـیـں گـُـد لـوٹ آں !!!...
مـنـی پـت کِـتـاب لـوٹ آں !!!...
مـنـی پـت پَـرپَـٹـے لـوٹ آں !!!...
مـنـی پـت مـوٹـلـے لـوٹ آں !!!...
مـنـی پـت مـن ءَ زرّ بـہ دئـے دگـہ شَـهـرے ءِ سَـیـل ءَ رَوآں !!!...
مـنـی پـت مـن ءَ زَرّ بـہ دئـے شَـهـزانـتـجـاه ءَ دَے آں !!!...
مَـنـی پـت !!!...
مَـنـی پـت !!!...
بَـلـے یَـک بَـرے مـن نـہ گـوَشـت کـہ :
مَـنـی پـت هَـمـے کـہ مـنـی کِـرّ ءَ هَـسـت اَنـت مـن ءَ بَـس اِنـت.
مَـنـی پـت هَـمـے کـہ مـن تـئـی کـَـشءَآں پـہ مـن یَـک دُنـیـایـے .
پـہ هَـمـا چـیـزّے کـہ آ مـنـی گـوَرا نـیـسـت اَت مـن آئـی ءِ گـوَرا مُـدام نَـکّ جَـت.
بَـلـے هِـچـبَـر مـن چـہ وَتـی پـت ءَ جُـسـت نـہ کـُـرت :
مَـنـی پـت تـو چـہ مَـن چـے لـوٹ ئـے ؟؟؟
وَهـدے کـہ مـا چُـکّ اَت ایـں مَـردُمـاں چـہ مـا جُـسـت کـُـرت:
تـرا وَتـی پـت دوسـتِـراِنـت یـاں وَتـی مـات ؟!!!...
مـا گـوَشـت مـارا دوئـیـں دوسـت بَـنـت!!..
بـلـے پَـدا آیـان ءَ چـہ مـا جُـسـت کـُـرت یَـکـے تـرا دوسـتِـراِنـت؟!.
آ کـُـجـام یَـکّ اِنـت ؟!!..
مـا چـہ شَـرمِـنـدَگـی پَـسّـو دات مـارا وَتـی مـات دوسـتِـراِنـت!!..
بـیـچـارَگـیـں پـت ءَ تَـهـلـیـں بـچـکـَـنـدے جَـت ، بـوُت کـَـنـت آ هَـم مَـردُمـانـی دیـمـا شَـرمِـنـدَگ بـوُتـگ!!!...
بـلـے نـوں مـا زانـیـں کـہ پـت پـہ وَتـی چُـکّـاں چـیـنـچـو زَهـمَـت کـَـشّ ایـت ءُ دَم بـارت تـاں آئـی ءِ جَـن ءُ چُـکّـان ءَ وَشّـهـالـیـں زِنـدے بـہ بـیـت...
چُـکّـے ءَ وَتـی پـت پـہ شـام ءِ وَرَگ ءَ مـاں یَـک هـوٹـلـے* بُـرت بـلـے پـت بـاز پـیـرءُ نِـزوراَت آ گـوں وَتـی دَسـتـاں وَراک وارت نـہ کـُـرت آ  وَراک وَرَگءَاَت ءُ وَتـی گـُـدئِـے مـیـن کـُـرت اَنـت هـوٹـل ءِ آدگـہ مَـردُم زَهـر زَهـر ءَ پـیـرَمَـرد ءُ آئـی ءِ چُـک ءَ چـارَگءَاِت اَنـت بـلـے چُـکّ ءَ هِـچّ نـہ گـوَشـت ءُ آ وَتـی پـت ءَ وَراک دَپ ءَ دیَـگءَاَت رَنـدا کـہ پـتءَ وَراک وارت ءُ سـیـر بـوُت چُـکّ ءَ وَتـی پـت آرام آرام ءَ پـاد کـُـرت ءُ مـاں دَسـتـشـود ءِ تـہ ءَ بُـرت اودا آئـی ءَ وَتـی پـت ءِ دَسـت شُـشـت اَنـت ءُ آئـیءِ گـُـدئِـے سَـپـا کـُـرت اَنـت ءُ سَـر ءِ مـودئِـے رَسـت اَنـت ءُ " عـیـنَـک ئِـے سَـپـا کـُـرت ءُ چَـمّ ءَ دات اَنـت ءُ چـہ اودا دَرآتـک اَنـت.
هـوٹـل ءِ درُهـیـں مَـردُم ءِ دِلـگـوش گـوں آیـاں سَـکّ اَت ءُ آیـان ءَ زَهـر زَهـرءَ چـارَگءَاِت اَنـت.
چُـکّ ءَ وَراک ءِ زَرّ دات اَنـت ءُ چـہ هـوٹـل ءَ دَرآیَـگ ءَ لَـگّ اِت اَنـت.
هَـمـے وَهـد ءَ چـہ هـوٹـل ءِ نـشـتَـگـیـں مَـردمـاں یَـک پـیـرَمَـردے پـادآتـک آئـی ءَ جـار جَـت ءُ گـوَشـت :
سـالـونـک جـان : تـو اِے پـگـر ءَ کـُـرتَـگ کـہ تـو اِدا دو چـیـزّ رَمـبـیـنـتـگ ءُ رَوَگءَئـے ؟!!!...
چُـکّ ءَ پَـسّـو دات : نـہ واجَـہ مَـنـی پـگـرءَ مـن هِـچّ چـیـزّ نـہ رَمـبـیـنـتَـگ !!!.. 
پـیـرَمَـرد ءَ گـوَشـت : نـہ مـنـی چُـک تـو سَـرپَـد نـہ ئـے کـہ تـو اِدا دو چـیـزّ رَمـبـیـنـتَـگ !!!..
چُـکّ هَـبَـکـّـہ بـوُت ءُ جُـسـت کـُـرت نـاکـو مـن چـونـیـں دو چـیـزِ اِدا رَمـبـیـنـتَـگ ؟!!!..
پـیـرَمَـرد ءَ پَـسّـو دات ءُ گـوَشـت تـو اِدا یَـک سَـبَـکـے پـہ درُهـیـں چُـکّـاں ایـر کـُـرتَـگ ءُ یَـک اُمـیـتـے پـہ درُهـیـں پـتـاں ایـر کـُـرتَـگ !!!..
هـوٹـل ءِ درُهـیـں مَـردُمـاں وَتـی تُـک نُـکّ ءَ چِـتَـگ اَت ءُ سَـراِش جَـهـل اِت اَنـت ءُ هَـمـے بـارَوا پـگـر کـنَـگءَاِت اَنـت رَنـدا هَـرچ کـَـس ءَ مـاں وَتـی دِل ءَ گـوَشـت اَے الله مـارا هَـنـچـیـں چُـک بـہ دَے کـہ آ وَتـی پـت ءِ کـَـدر ءَ بـہ زان اَنـت....
سَـلامَـت بـات اَنـت آ پـت کـہ زِنـدَگ اَنـت ءُ هُـدا ءِ رَهـمَـتـانـی چـیـر بـات اَنـت آ پـت کـہ شُـتَـگ اَنـت.
مَـن پـہ وَتـی پـت ءَ پَـهـر کـُـرتـگ ءُ اِے نـبـشـتـانـک ءَ نـبـشـتَـگ تـو پـہ وَتـی پـت ءَ پَـهـر بـہ کـن ءُ اِے نـبـشـتـانـک ءَ شِـنـگ بـہ کـَـن.
مُـدام سَـلامَـت بـات اِت.