Author Topic: وَرنـایـانـی جـانـدراهـی  (Read 367 times)

0 Members and 1 Guest are viewing this topic.

Offline Adabi Hakim ادبی ھکیم

  • Balochi Zaantkaar
  • ***
  • Posts: 1183
  • Karma: 44
وَرنـایـانـی جـانـدراهـی
« on: July 08, 2019, 11:22:30 PM »
وَرنـایـانـی جـانـدراهـی
رجـانـک : ادبـی هَـکـیـم
جـانـدراهـی ءِ پـٹ پـول کـَـنـوکـاں پـٹ پـول کـُـرتـگ ءُ دَرگـپـتَـگ کـہ وَردِش کـَـنـوکـیـں زَهـگ گـیـشـتِـر جـانـدراه بَـنـت ءُ آیـانـی اَگـل ءُ هُـوش هَـم سَـلامـت بَـنـت .
چـار سـال ءِ تـوک ءَ 800 زَهـگ چـہ 6 سـال بـہ گِـر تـاں 10 سـال ءِ اُمـر ءَ پـٹ پـول کـنـگ بـوُتـگ اَنـت اَنـجـام اِے دَرآتـکـگ کـہ آ زَهـگ کـہ وَردِش کـن اَنـت چـہ آدگـہ زَهـگ کـہ وَردِش نـہ کـن اَنـت گـیـشـتِـر جـانـدراه بَـنـت ءُ گـیـشـتـر اَگـلـمَـنـد ءُ زِنـد ءِ واهَـگـدار بَـنـت ءُ گـیـشـتـر وَشّهـال بَـنـت بـلـے آ زَهـگ کـہ وَردِش نـہ کـن اَنـت مُـدام نِـزور ءُ نـاجُـوڈ بَـنـت بـے سُـدّ ءُ بـے سَـمـاه بَـنـت پـریـشـان هـال بَـنـت تـرسُـوک بَـنـت وانَـگ ءُ زانَـگ ءَ سُـسـت ءُ تَـمـبَـل بَـنـت .
هَـیـرکـاریـں یـانـگ مـایـنـدز ءِ مُـچّـی پـٹ پـول کـَـنـوکـاں گـُـوَشـتـگ کـہ 15 ءُ 16 سـالـیـگـیـں وَرنـایـاں پـریـشـان هـالـی ءِ آمـاچ اَنـت ءُ روچ پـہ روچ گـیـشـتـر بـیـان اَنـت .
نـیـرویـج ءِ زانـت ءُ ٹـکـنـولـوجـی شَـهـزانـتـجـاه ءِ پـٹ پـول کـَـنـوکـانـی سَـروک سـیـلـجـی سـتـیـنـبـیـک ءَ گـُـوَشـتـگ کـہ زَهـگـانـی چُـسـت ءُ چـالاکـی پـریـشـان هـالـی ءِ نـادراهـی ءَ گـار کـَـنـت وَهـدے کـہ زَهـگ مَـزَن بـہ بَـنـت جـانـدراه ءُ سـلامـت ءُ وَشـهـالـیـں جُـهـدکـار بَـنـت اَگـاں اِنـسـان ءِ جـان وَردِش بـہ کـَـنـت ءُ جُـهـد بـہ کـَـنـت هِـیـد کـَـنـت هِـیـد کـنَـگ جـان ءِ گـیـشـیـں شـیـرکـنـی ءُ چَـرپـی ءُ تَـهـلـی ءُ تـرُپـشـی ءَ سُـوچ ایـت ءُ گـار کـنـت جـان ءِ درُهـیـں سِـلّ ءُ پِـلّـیـں چـلّ ءُ مِـلّاں کـُـش ایـت ءُ هُـون ءَ سَـپـا کـَـنـت.

زَهـگـانـی داکـتـری هَـپـتـاک ءَ نـبـشـتـگ ءُ شِـنـگ کـُـرتـگ کـہ جَـرمَـن ءُ سُـویـس ءِ پـٹ پـول کـَـنـوکـانـی پـٹ پـول کـنَـگ ءِ اَنـجـام اِے دَرآتـکـگ کـہ چـہ وَردِش نـہ کـَـنـوکـیـں 6500 وَرنـایـانـی تـوک ءَ پـریـشـان هـالـی ءِ سَـوَب ءَ آیـانـی جـان ءِ بَـنـد ءُ بُـوگـانـی دَرد کـنَـگ ءِ نـادراهـی زانَـگ بـوُتـگ اَنـت وَردِش نـہ کـَـنـگ ءِ سَـوَب ءَ آ پـریـشـان هـال ءُ سُـسـت بـوُتـگ اَنـت رَنـدا گـَـردِن دَرد ءُ سـریـں دَرد ءُ دَسـت ءُ پـاد دَرد ءِ نـادراهـیـانـی آمـاچ بـوُتـگ اَنـت.
پـٹ پـول کـنـوکـان ءَ اِے هَـم دَرگـپـتَـگ کـہ چـہ وَردِش نـہ کـنـگ ءِ سَـوَب ءَ وَرنـایـانـی جـان ءِ پُـوسـت هَـم نـادراهـیـانـی آمـاچ بَـنـت. پـریـشـان هـالـی ءُ سُـسـتـی ءِ گـار کـنـگ چـہ وَشّـتـامـیـں وَراکـانـی وَرَگ ءُ وَردِش کـنـگ ءَ گـار بَـنـت.
داکـتـر مـارک بُـوش ءَ گـُـوشـتـگ زَلـوُری اِنـت کـہ مـات ءُ پـت وَتـی زَهـگـاں جـوانـیـں وَراکـانـی وَرَگ ءُ وَردِش کـنـگ ءَ هِـیـل بـہ دی اَنـت تـاں آیـانـی زَهـگ مـاں آیـوکـیـں روچـاں جـانـدراه ءُ وَشّـهـال بـہ بَـنـت .
وانَـگـجـاهـانـی اُسـتـاد ءُ وانـیـنـوک اِے گـَـپ ءَ مـاں وانَـگـجـاهـاں هَـم شِـنـگ ءُ تـالاں بـہ کـن اَنـت تـاں نـوکـیـں پَـدریـچ گـوں جـانـدراهـیـں جـان ءُ سَـلامـتـیـں اَگـل ءُ هُـوش دیـمـا بـہ رَواَنـت.
[/b]