یہ جو آنکھوں میں نمایاں ہیں گہر شام کے وقت
پیاسے ہوجاتے ہیں یادوں کے شجر شام کے وقت
ان کو کس منہ سے بتاؤگے اداسی کا سبب
ان کے پہلو میں ہو یہ حال اگر شام کے وقت
ہم یہ سمجھے تھے کبھی ہم کو پڑیگی عادت
عشق کچھ اور دکھاتا ہے ہنر شام کے وقت
ذرّے ذرّے پہ اداسی کا گماں ہوتا ہے
دھوکہ کھاجاتی ہے عاشق کی نظر شام کے وقت
یوں تو دل میں ہے تری یاد کا آنا جانا
کچھ عجب رنگ سے آتی ہے مگر شام کے وقت
(1)yeh jo aankhoon men numayaan hen guhar sham ke waqt
Piyase hojate hen yadoon ke shajar sham ke waqt
(2)un ko kis moon se bataaoge udasee ka sabab
Un ke pehloo men ho yeh haal agar sham ke waqt
(3)hum yeh samjhe the kabhee hum ko paRegi aadat
Iishq kuchh owr dikhaata hai hunar sham ke waqt
(4)zarre zarray pe udasee ka gumaan hota hai
Dhoka kha jaati hai aashiq kee nazar sham ke waqt
(5)yun to dil men hai tree yaad ka aana jaana
Kuchh ajab rang se aatee hai magar sham ke waqt
