پَـنـتے پَـہ لـوگءِ بـانـُکـاں
ادبـی هَـکـیـم
-------------------------
هَـشــت چـیـزاَنـت کـہ لـوگ واجَـہءَ پـہ کـاراَنـت بـلـے لـوگ واجَـہ چَـہ وَتـی لـوگ بـانـُـک اِش نـہ لـوٹ اِیـت.
لـوگ واجَـہءُ لـوگ بـانـُـکءِ هـوری ءُ هَـمـراهـی چَـہ آدگـے مَـهـلـوُکءِ هَـمـراهـیءَ پَـرک کـنـت لَـهـتـے هَـنچـیـں چـیـز هَـسـت اَنـت کـہ لـوگ واجَـہءَ پَـکـاراَنـت بَـلـے لـوگ واجَـہ وَت پَـہ وَتـی زُبـانءَ چَہ وَتـی لـوگ بـانـُک اِش نـہ لـوٹ ایـت آ گـوَش ایـت کـہ اے کـارانـی اَنـجـام دَیَـگ لـوگ بانـُـکءِ وَتـی پَـرزاِنـت لـوگ بـانـُـکءَ وَت ایـشـانـی زانَـگ بـہ بـیـت.
1- لـوگ واجَـہءِ ازّتءَ کـنَـگ : لـوگ بـانـُـک وَتـی لـوگ واجَـہءِ ازّتءَ بـہ کـنـت دوئِـیـنـاں یـکـدگـرءِ ازّتءَ بـہ کـن اَنـت گـڑا یـکـدگـرءَ شَـرتِـر سَـرپَـد بَـنـت پَـرچـا کـہ یـکـدگـرءَ ازّت دَیَـگ پَـہ دوئیـنـاں وَشـهـالـی کـارایـت.
2- هَـمـراهـی : لـوگ بـانـُک جُـهـد بـہ کـنـت کـہ مَـدام وَتـی لـوگ واجَـہءِ هَـمراهـیءَ بـہ کـنـت لـوگ واجـہءِ پـت ءُ مـات ، بـراتءُ گـُـهـارءِ گِـنـدءُ گِـدارءِ رَوَگءَ یـاں وَتـی مَهـلـوُکءِ گِـنـدءُ گِـدارءِ روَگءَ یـاں دگـے جـاهـے پَـہ دگـے مـهـلـوُکـ ءِ چـارَگءِ روَگءَ گـوں وَتـی لـوگ واجـہءِ هَـمـراهـیءَ بـہ رَوت شَـرتِراِنـت.
3- کـَـدَردانـی : لـوگ واجـہءِ کـدرءِ زانَـگ ، آئـیءِ ازّت دَیَـگ اِنـت لـوگ واجـہءَ لـوگ بـانـُـکءِ کـدَردانـی مُـدام پَـکـار اِنـت پَـرچـا کـہ آ مُـدام لـوگ بـانـُـکءِ وَشّـهـال کـنَـگءِ جَـهـدءَ کـنـت گـڑا آ کـدردانـی ءُ ازّت دَیَـگءِ هَـکـداراِنـت.
4- لـوگ واجـہءِ هَـیـالءَ وَتـی نـیـمَـگءَ کـَـشّـگ : لـوگ بـانـُـک وَتءَ مُـدام سَـپـا ءُ سَـلّـہ بـہ کـنـت وَتـی چُـکـّـانءَ مُـدام سَـپـا ءُ سَـلّـہ بـہ کـنـت وَتـی لـوگءَ مـُـدام سَـپـا ءُ سَـلّـہ بـہ کـنـت شَـوکـیـں گـُـد گـورا بـہ کـنـت وَتءَ سـیـنـگـار بـہ کـنـتءُ لـوگ واجَـه کـشءَ بـہ نـنـدایـت تـاں کـہ لـوگ واجَـہ آئـیءَ چَـہ آدگـے جَـنـیـنـاں زیـبـدارتِر بـہ گـنـدایـت .
5- نَـرم تـَـبـی : لـوگ بـانـُـک وَتءَ نَـرم تـَـبـی هـیـل بـہ دَنـت مُـدام گـوں وَتـی لـوگ واجَـہءَ پَـہ وَشّ تـَـبـی ءُ پـہ نَـرمـی گـپ بـہ جَــنـت پَـرچـا کـہ لـوگ واجَـہءَ زالءِ زَهـرگـرَگ ءُ آئـیءِ بُـرزیـں تَـوار دوسـت نـہ بَـنـت گــهـتِـراِنـت کـہ لـوگ بـانـُـک گـوں بـچـکـنـدَگءَ گـپ بـہ جَـنـت تـاں لـوگ واجَـہءِ دل گـیـشـتـرنَـرم بـہ بـیـت.
6- دلـبَـڈی : گـوَش اَنـت کـہ هَـمُـکّ زانـتکـاریـں لـوگ واجَـهـےءِ پَـشـتءَ یَـکّ زانـتـکـاریـں لـوگ بـانـُـکـے اوشـتـاتــَگ لـوگ بـانـُـک مُـدام وَتـی لـوگ واجَـہءَ پَـہ هَـمُـکّ کـارءَ دلـبَـڈی بـہ دَنـت تـاں پـہ هَـمُـک کـارےءِ کـنَـگءَ لـوگ واجَـہءَ هَـمّـت بـہ بـیـت لـوگ بـانـُـک مُـدام وَتـی دلـوَشّـی ءُ وَتـی رَزاءَ پـیـش بـہ دارایـت.
7- مـهـرءُ دوسـتـی : مـهـر لـوگ واجَـہءِ نِـزوری اِنـت لـوگ بـانـُـک وَتـی مـهـرءَ هَـنـچـو گـوں وَتـی لـوگ واجَـہءَ دَرشـاں بـہ کـنـت ءُ پـیـش بـہ دارایـت کـہ لـوگ واجَـہ ءَ وَتـی لـوگ بـانـُـکءِ مـهـرءِ ماراِشـت بـہ بـیـت لـوگ بـانـُـکءِ مـهـرءِ رَنـگءَ پَـہ وَتـی چَـمّـاں بـہ گـندایـت آئـی ءِ سـازءَ پَـہ وَتـی گـوشـاں بـہ اِشـکـُـنـت لـوگ بـانـُـک وَتـی جَـنـینـیءَ پـیـش بـہ دارایـت تـاں کـہ لـوگ واجَـہ پَـہ لـوگ بـانـُـکءَ مَـردے بـہ بـیـت.
8- گـوَش اَنـت کـہ لـوگ واجَـہءِ دل مـاں آئـیءِ سـگِـنـدان اِنـت اگـاں وَتـی لـوگ واجَـہءَ رَزا کـن اِت گـڑا آئـیءَ وَشّتـامـیـں وَرَگ بُـواریـن اِت.
لـوگ واجَـہءَ اے هَـشـت چـیـز سَـکّ پَـکـاراَنـت بـے اے چـیـزّاں لـوگ واجَـہءِ شـپءَ روچ پَـہ سَـکـّـی گــوزاَنـت اَگـاں لـوگ واجَـہءَ اے چـیـزّاں چـہ وَتـی لـوگ بـانـُـک مـہ رَس اَنـت گـڑا لـوگ بـانـُـک ءِ پـارسَـنـگ مـاں لـوگ واجَـہءِ مـهـرءِ شـاهـیـمءَ روچ پـہ روچ کـمّ کـنـت.
بـلـے لـوگ واجَـہ هـجـبَـر اے چـیـزّانءَ وَت چَـہ وَتـی لـوگ بـانـُـکءَ نـہ لـوٹ ایـت لـوگ بـانـُـک اے چـیـزّانءَ چَـہ وَت پَـہ وَتـی دابءُ رَهـبَـنـدءَ وَتـی لـوگ واجـہ اِش دَیـاں بـہ کـنـت.
