شعرے چہ مولانا عبدالله روانبد (سعدی بلوچستان)۔
ﯾﮏ ﺷـﭙﮯ ﭼﻨـﺪﮮ ﻫﻢ ﺣﯿﺎﻟﯿﮟ ﯾﺎﺭ
ﻫـﻤﺪﻝ ﻭ ﻫـﻤﺼﺪﻕ ﻭ ﺳﺨﻦ ﺳﯿﻨﮕﺎﺭ
ﺩﻝ ﭘﺮ ﺍﺯ ﻣﻬﺮﺀُ ﻗﻮﻣﯽ ﻫـﻤﺪﺭﺩﯼ
ﺁﺗﮏ ﺍﻧﺖ ﭘﻪ ﻗﺼـﺪ ﮔﻨﺪﮎ ﻭ ﺩﯾـﺪﺍﺭ
ﻭﻗﺘﮯ ﮐﻪ ﺩﻭﺭ ﻫـﻤـﺪﮔﺮ ﻧﺸـﺖ ﺍﻧﺖ
ﮔﻠﻪ ﺍِﺵ ﺍﮮ ﺭﻧﮓ ﺀَ ﮐﺘـﮓ ﺍﻇـﻬﺎﺭ
ﺗﻮ ﻧﮕﻨﺪَﮰ ﮐﻪ ﺷﭗ ﺷﺘﮓ، ﺳﯿﺎﻫﯿـﮟ
ﺷﻨﮕﺘﮓ ﺑﺎﻡ ﻭ ﺗﻮ ﻧﮧ ﺑَـﺌﮯ ﺑﯿـﺪﺍﺭ
ﻣَﮯ ﮔـﻠﮓ ﺩﯾﺮﯾﮟ ﻣــﺪﺗﮯ ﻭﭘﺘــﮓ
ﺑﯿﺘﮓ ﭼﻪ ﺑﺎﺯﯾﮟ ﻭﭘﺴﮕﺎﮞ ﺑﯿـﺰﺍﺭ
ﺩﺍﮞ ﺟـــﺮﺱ ﺁﻭﺍﺯ ﻧﮑﻨﺖ ﮐــﻮﭺﺀِ
ﻣﻬـﺮﯼ ﻣﺎﮞ ﺭﺍﻩ ﺀَ ﻧﻪ ﺑﻨﺖ ﮐـﺘّﺎﺭ
ﻗﺎﻓـﻠﻪ ﭼـﻮﻥ ﭼـﻮﻥ ﮐﭙﯿﺖ ﮐﺸـﮏﺀَ
ﺳـﺮ ﻣﮑـﺸّﯿـﺖ ﺩﺍﮞ ﻗـﺎﻓﻠﻪ ﺳـﺎﻻﺭ
ﺑـﮯ ﺷﭙﺎﻧﮏ ﺀَ ﮐﻪ ﺭﻭﺕ ﺭﻣﮓ ﮈﻥّﺀَ
ﺗﻮ ﺑﺰﺍﻥ ﻭﺕ ﮐﻪ ﺳﻮﺏ ﮐﻨﺖ ﻫﭙﺘﺎﺭ
ﻣﺎ ﺭﺍ ﻫـﻢ ﺣـﻘﮯ ﻫﺴﺖ ﻫـﻤﮯ ﻣﻠﮏﺀَ
ﻫﭻ ﮐﺲ ﻣَـﮱ ﺣـﻖ ﺀَ ﻧﻪ ﮐﻨﺖ ﺍﻧـﮑﺎﺭ
ﺣﻖ ﻧﻪ ﺍﻧﺖ ﭼﯿﺰﮮ ﮐﻪ ﺭﺳﯿﺖ ﻣُﭙﺖ ﺀَ
ﺑﺎﯾﺪ ﺍﻧﺖ ﺣﻖ ﺀَ ﭘﺪ ﺑـﻪ ﺟﻨﺖ ﺣﻘﺪﺍﺭ
ﻣَـﮯ ﺑﻠﻮﭼﺴﺘﺎﻥ ﺟﺰﻭ ﺍﯾﺮﺍﻥ ﺍﻧﺖ
ﭘﺮﭼﯿﺎ ﮐﭙﺘﮓ ﻭﺍﺭ ﻭ ﺑﮯ ﮔﻤﻮﺍﺭ
ﺁ ﮐﻪ ﮔﻤﻮﺍﺭ ﺍﻧﺖ ﺩﺳﺖ ﺍﺵ ﮐﻮﺗﺎﻩ ﺍﻧﺖ
ﺁ ﮐﻪ ﺳﺮﺩﺳﺖ أﻧﺖ ﺧﺎﺋﻦ ﻭ گـﺪّﺍﺭ
ﻣَﮯ ﺟﻮﺍﻥ ﺟﭧّ ﻭ ﺟﺎﻫﻞ ﻭ ﺗﻨﺒﻞ
ﺑﮯ ﻭﺕ ﻭ ﺭﺳﻮﺍ ﺑﺮ ﺳﺮ ﺑﺎﺯﺍﺭ
ﻋﻠـﻢ ﻭ ﻓﺮﻫﻨﮓ ﻭ ﺩﺍﻧﺶ ﺀَ ﻣـﺤﺮﻭﻡ
ﺗـﺨﺘﻪ ﻣﺸـﻖ ﺍﻧﺖ ﺣﯿﻠﻪ ﻭ ﺁﺯﺍﺭ
ﺩﮐﺘﺮ ﻭ ﺩﺍﺭ ﻭ ﮔﻮﺍﭼﻦ ﺍﻧﺖ ﺩﺭﻭﮔﯿﮟ
ﻫﺮ ﮔﻮﺭ ﺀَ ﻧﺎﻝ أﻧﺖ ﺑﺰّﮔﯿـﮟ ﺑﯿﻤﺎﺭ
ﻭﻧﮉﮮ ﮐﻪ ﻧﺎﻡ ﮔﭙﺖ أﻧﺖ ﺑﻠﻮﭼﺎﻧﯽ
ﺭﺍﻩ ﺀِ ﻧﯿﻢ ﺀَ ﮐَﭙﺖ ﯾﮑﺒﺮ ﺀَ ﺑﯿﺖ ﮔﺎﺭ
ﮔﺸﻨﮕﯿـﮟ ﻣﺮﺩﻡ ﭼﻪ ﺷﺪﺀَ جَنگ أﻧﺖ
ﭘﺮ ﮔَﻠﮯ ﮐﻨﺪﯾﺖ ﻣﯿﺘﮓﺀِ ﺳﺮﺩﺍﺭ
ﺁﮐﻪ ﻫﻤﺸﺎﻡ أﻧﺖ ﻻﭖ إﺵ ﻫﺎﻟﯿﮓ إنت
ﭘُﺮّ ﺍﻧﺖ ﭼﻪ ﭘﻮﻝ ﺀَ ﮐﯿﺴﻪ ﺀِ ﺯﺭﺩﺍﺭ
ﻻﮔﺮﯾﮟ ﺣـﻤّﺎﻝ ﺀِ ﮐﻮﮌﮨﺎﮞ ﺭﯾﺶ ﺍﻧﺖ
ﮔﻮﮞ ﺗـﺠﻮﺭﯼ ﺀَ ﻭﺷﺪﻝ ﺍﻧﺖ ﺗﺠﺎﺭ
ﺩﻫﮑﺎﻥ ﮐﻪ ﺟﺎﻧﺸﻮﺩ ﺍﻧﺖ ﻭﺗﯽ ﻫﯿﺪﺍﮞ
ﭼﮧ ﺁﯾﯽ ﻣـﺤﺼﻮﻝ ﺀَ ﮐﭧ ﮐﻨﺖ ﻫـﭙﺘﺎﺭ
ﺁﺧﺮ ﺍﮮ ﺗﺒﻌﯿﺾ ﺀِ ﺩﻭﺍ ﭼﯽ إﻧﺖ
ﮐﻨﺪﮒ ﺍﻧﺖ ﻣﯿﺮ ﻭ ﮔﺮﯾﻮﮒ ﺍﻧﺖ ﭘﺎﮐﺎﺭ
ﻫـﻤَّﺘﮯ ﮐﻦ ﮐﻪ ﻭﻗﺖ ﻓﺮﯾﺎﺩ إﻧﺖ
ﺁﺳﺘﯿﮕﺎﮞ ﻻﻧﭻ ﻭ ﻫـﻤﺒﻼﮞ ﺷﺎﮐﺎﺭ
ﻣﻦ ﺟﻮﺍﺏ ﺩﺍﺗﮓ ﮐﻪ ﭼﻮﻥ ﮐﻨﺎﮞ ﺑﯿﻼﮞ
ﺩﺭ ﻗﻔﺲ ﺷﺎﻫﯿـﻦ ﻧﮑﻨﺖ ﻫﻨﺰﺍﺭ
ﻣﻦ ﮐﺠﺎ ﺍﮮ ﮐﺎﺭﺍﮞ ﮐﭙﺎﮞ ﺑﺎﺭﯾﻦ
ﺭﻭﭺ ﻭ ﺷﭗ ﻣﺜﻞ ﺍﺷﺘـﺮ ﺀَ ﺑﯿﮕﺎﺭ
ﺷﭗ ﮐﺪﯼ ﺍﻧﮕﺖ ﮐـُﭩـﺘِـﮓ ﺳﯿﺎﻫﯿـﮟ
ﺟُﻨﺠُﺮﮮ ﺁﺳـﻤﺎﻥ ﺀَ ﻧـﻪ ﺟﻨﺖ ﺍﺳﺘﺎﺭ
ﻇﻠـﻢ ﻭ ﻇﻠـﻤﺎﺕ ﺀَ ﭘﻮﺷﺘﮓ ﺩﻧﯿﺎ
ﭼﯿﺮﯼ ﭼﺖ ﻋﺪﻝ ﻭ ﻫــﻤﺖ ﻭ ﺍﯾﺜﺎﺭ
ﺯﻭﺭ ﺀِ ﭼﻢ ﮐﻮﺭ ﻭ ﮔﻮﺵ ﺳﯿﻪ ﭼُﭙﺖ ﺍﻧﺖ
ﺣﻖ ﺀَ ﭘﻪ ﺁﺳﺎﻧﯽ ﻧﮑﻨﺖ ﺍﻗﺮﺍﺭ
ﺟَﻮ ﺗﺮﺍ ﺩﻧﺖ ﻭ ﭘﯿﺶ ﮐﻨﺖ ﮔﻨﺪﯾﻢ
ﮔﻮﮞ ﺯﺑﺎﻥ ﺩﺭﺍﺟﯽ ﮐﻨﺖ ﺗﺮﺍ ﺑﯿﻮﺍﺭ
ﻇﻠـﻢ ﻭ ﻧﺎﺩﺍﻧﯽ ﻓﻄﺮﺕ ﺍﻧﺖ ﺧﻠﻖ ﺀِ
ﻓﻄﺮﺕﺀِ ﺳﻨﺪﮒ ﺑﺎﺯ ﺑﯿﺖ ﺩﺷﻮﺍﺭ
ﺩﺍﯾﻢﺀَ ﺩﻧﯿﺎﯼ ﺀِ ﺭﻭﺍﺝ ﺍﯾﺶ ﺍﻧﺖ
ﮐﺞ ﺭﻭﺍﺟﯿﮟ ﭼﺮﺥ ﺀِ ﮔﺮﺩﺵ ﻭ ﺭﻓﺘﺎﺭ
ﻫﺴﺖ ﺍَﺕ ﯾﮏ ﺳَﯿّﺎﺳﮯ ﻫﻨﺒﻖ ﻧﺎﻣﯿﮟ
ﺍﺷﺘﺮ ﻭ ﺍﺳﭙﯽ ﺩﺍﺷﺘﮓ ﺍَﺕ ﺑﺴﯿﺎﺭ
ﻓﺮﺑﻬﺎﮞ ﮐﺎﻩ ﻭ ﺩﺍﻧﯽ ﺩﺍﺕ ﺩﺍﯾﻢ
ﻻﻏﺮﯾﻨﺎﻧﯽ ﻫﭻ ﻧﮑﺖ ﺗﯿﻤﺎﺭ
ﯾﮑﯽ ﺀَ ﺟﺴﺖ ﮐﺖ ﺍﯼ ﭼﻪ ﺍَﺳﺮﺍﺭﮮ؟
ﺗﻮ ﺑﮕﻮﺵ ﭼﮯ ﺍﻧﺖ ﺣﮑﻤﺖ ﺍﮮ ﮐﺎﺭ؟
ﭼﻮ ﺟﻮﺍﺏ ﺩﺍﺗﮓ ﻣﺮﺩ ﺳﯿّﺎﺱﺀَ
ﻣﻦ ﻧﯿﺎﮞ ﻫﻮﮈﮮ ﺑﮯ ﻣﺖ ﻭ ﺑﮯ ﺳﺎﺭ
ﻻﻏﺮ ﻭ ﻟﯿﭩﺎﮞ ﮐﻨﺎﮞ ﺩﻟﮕﻮﺵ
ﻓﺮﺑﻪ ﻭ ﺷﺮّﯾﻨﺎﮞ ﮐﻨﺎﮞ ﺍﻧﮕﺎﺭ
ﺍﮮ ﺳﯿﺎﺳﺖ ﭼﻪ ﺑُﻨﺪﺭﺀَ ﮔﻮﻥ ﺍﻧﺖ
ﭘﺮ ﻫــﻤﮯ ﺭﻫﺒﻨﺪﺀَ ﺭﻭﻧﺖ ﻋﯿﺎﺭ
ﻓﺮﺑﻪ ﭼﻪ ﺍﺳﭙُﺴﺖ ﻭ ﺟﻮﺀَ ﺳﯿﺮ ﺍﻧﺖ
ﻻﻏﺮﯾﮟ ﺳُﻬﺘﮓ ﭘﻨﺠﮕﯽ ﭘﯿﺘﺎﺭ
ﺍﺭﺳﮯ ﭘﻪ ﻫﺎﺑﯿﻞ ﺀَ ﻧﺮﯾﭽﯿﺖ ﮐﺲ
ﺍﻭﺷﺘﻨﺖ ﻣﺎﮞ ﻗﺎﺑﯿﻠﯽ ﮐﺶ ﺀَ ﻣﮑّﺎﺭ
ﮔﻮﮞ ﮐﯿﺎ ﻓﺮﯾﺎﺩ ﮐﻨﺎﮞ ﺑﺎﺭﯾﻦ
ﻫﭻ ﮐﺴﯽ ﮔﻮﺷﺎﮞ ﻧﺮﻭﺕ ﮐﻮﮐﺎﺭ
ﮔِﻠﻪ ﭼﻪ ﺩﺭ ﻗﻮﻣﺎﮞ ﮐﻨﺎﮞ ﭘﺮﭼﮯ
ﻣَﮯ ﻭﺗﯽ ﺑﺮﺍﺕ ﮐﻪ ﻧﮧ ﺍﺷﮑﻨﻨﺖ ﮔﻔﺘﺎﺭ
ﻣﻦ ﻧﻨﺎﻻﮞ ﭼﻪ ﺩﺳﺖ ﮈﻧﯿﮕﺎﮞ
ﭨﭗ ﻣﻨﺎ ﻣﺎﻥ ﺍﻧﺖ ﺍِﺯ ﻭﺗﯽ ﮐﺎﭨﺎﺭ
ﺳﻨﮓ ﻭ ﺷﯿﺸﮓ ﭼﻪ ﺑﻨﺪﺭ ﺀَ ﺳﯿﺎﺩ ﺍﻧﺖ
ﭘﺮﻭﺷﺘﮓ ﺍﮮ ﺳﻨﮓ ﺀَ ﺷﯿﺸﻪ ﺁﺑﺪﺍﺭ
ﺁﺱ ﻫــﻤﮯ ﮈﮐﺎﻥ ﺀِ ﭼﺮﺍﮔﯿﮓ ﺍﻧﺖ
ﺳﻮﺗﮑﮕﯽ ﻭﺍﻫﻨﺪ ﺀِ ﻭﺗﯽ ﺍﻧﺒﺎﺭ
ﺳﺮﺑﺎﺯ ﺩﺍﮞ ﺳﺮﺣﺪ ﻭ ﺳﺮﺍﻭﺍﻥﺀَ
ﭘﻬﺮﻩ ﻭ ﭘﻨﻮﭺ ﻭ ﮔِﻪ ﻭ ﻻﺷﺎﺭ
ﻫُﻨﮓ ﻭ ﺑﻤﭙُﺸﺖ ﺩﺍﮞ ﺣﺪ ﻣﯿﻨﺎﺏﺀَ
ﺑﻨﺖ ﻭ ﺑﺸﮑﺮﺩ ﻭ ﺯِﺭﮔﻮﺭیں ﭼﻬﺒﺎﺭ
ﮐﻞ ﺑﻠﻮﭺ ﯾﮑّﯿﮟ ﻟﻮﮒﺀِ ﻓﺮﺯﻧﺪ ﺍﻧﺖ
ﮔﻮﮞ ﻫــﻤﮯ ﯾﮑّﯿﮟ ﺟﺎﻣﮓ ﻭ ﺷﻠﻮﺍﺭ
ﻧﮯ ﮐﻪ ﻣﺎ ﺍﯾﺮﺍﻧﯽ ﺑﻠﻮﭺ ﺗﻬﻨﺎ
ﺑﻠﮑﯿﻦ ﺩﺍﮞ ﺣﺐّ ﻭ ﺳﯿﺒﯽ ﻭ ﺧُﻀﺪﺍﺭ
ﭼﺎﮐﺮ ﻭ ﮔﻮﻫﺮﺍﻡ ﺀِ ﯾﻠﯿﮟ ﭘُﺴّﮓ
ﻧَﯿﻠﻨﺖ ﻣﺎﮞ ﻻﻧﮑﺒﻨﺪ ﺀِ ﺑُﺶ ﺀَ ﻟﯿﮕﺎﺭ
ﭼﻮﻥ ﺑﻠﻮﭼﺎﮞ ﺍﮮ ﺷﺎﺕ ﺑﯿﺖ ﭘﺮ ﻭﺕ
ﻧﺎﻣﯽ ﺑﯿﺖ ﺩُﺯّ ﻭ ﺭﻫﺰﻥ ﻭ ﺍﺷﺮﺍﺭ
ﺭﻫﺰﻧﯽ ﺳﺎﻧﮉﺍﻧﯽ ﮔﻮﺭ ﺀَ ﻋﯿﺐ ﺍﻧﺖ
ﺩُﺯّﯼ ﭘﻪ ﺑﻬﺪﺍﺭﯾﮟ ﺑﻠﻮﭼﺎﮞ ﻋﺎﺭ
ﺑﮯ ﺣﯿﺎ ﮐﻪ ﭘﭩﯿﺖ ﻣﺎﺕ ﺀِ ﭘﻨﺪﻭﻝﺀَ
ﮐﺸّﯿﺖ ﭼﻪ ﺑﺮﺍﺕ ﺀِ ﮐﯿﺴّﮓﺀَ ﮐﻠﺪﺍﺭ
ﺩﺳﺘـﯽ ﭘﻪ ﺳﯿﺎﺩ ﺀِ ﺯﮔﺮﮔﯿﮟ ﻫﻮﻧﺎﮞ
ﺳﻬﺮ ﺍﻧﺖ ﺩﺍﮞ ﺳﺮﻭﺷﺎﮞ ﺭﺳﺘﺮﯾﮟ ﻫﻮﻧﻮﺍﺭ
ﭼﻮﮌﺍ ﻣﺎﮞ ﺩﯾﻮﺍﻧﺎﮞ ﻧﭽﻨﮉﯾﻨﯿﺖ
ﮔﻮﮞ ﺩﭖ ﺀِ ﭘﻬﺮﺍﮞ ﻧﺒﯿﺖ ﺗﺎﻣﺪﺍﺭ
ﺩﺍﯾﻢ ﻣﺎﮞ ﺭﺍﺟﺎﻧﯽ ﺗﻬﺎ ﻣﻮﭦ ﺍﻧﺖ
ﻣﺎﻧﯿﺖ ﺩﺍﮞ ﻫﭙﺖ ﭘﺸﺖ ﺀَ ﺷﮕﺎﻥ ﺳﺮﺑﺎﺭ
ﭼﻮ ﻧﻪ ﺍﻧﺖ ﺭﺳﻢ ﻭ ﺩﻭﺩ ﺑﻠﻮﭼﺎﻧﯽ
ﻗﻮﻣﯽ ﻣﺮﺩﺍﻧﯽ ﮐﺎﺭﭘﺪ ﻭ ﮐﺮﺩﺍﺭ
ﺍﮊﺩﻫﺎ ﮐﻮﻫﺎﮞ ﮔﻮﺭ ﺑﻮﺭﯾﻨﻨﺖ
ﻟﻮﮔﯽ ﺩﭖ ﭼﭩﻨﺖ ﮐﯿﭙﮏ ﻭ کِٹّار
ﮐَﮯ ﭘﺮﺍ ﻧﺎﻣﺮﺩ ﺀَ ﺩﻝ ﺀَ ﺑﻨﺪﯾﺖ
ﺟﻨﺖ ﻭﺗﯽ ﻟﻮﮒ ﺀِ ﭘﺮﺗﮑﺎﮞ ﺁﻭﺍﺭ
ﻧَﮯ ﺩﭖ ﺀَ ﻟﺒﺰ ﻭ ﻧَﮯ ﺣﯿﺎ ﭼﻤﺎﮞ
ﻧَﮯ ﺩﻝ ﺀَ ﺭﺣﻢ ﻭ ﻧَﮯ ﺳﺮﺍ ﺍﻭﭘﺎﺭ
ﺯﺍﺭ ﭘﻤﺎ ﮐﻠﭗ ﻭ ﮐﻮﭨﮑﯿﮟ ﭼُﮏّﺀَ
ﮐﻨﺖ ﭘﺖ ﺀِ ﭘﺎﮒ ﺀَ ﺳِﻞّ ﻭ ﺑﮯ ﭘَﻠﮕﺎﺭ
ﻫﺮﮐﺲ ﮐﻪ ﺍﺳﻼﻡ ﺀَ ﺑﺒﯿﺖ ﻣﻨﮑﺮ
ﺑﻠّﯽ ﻣﺎﮞ ﺩﺭﯾﺎﯼ ﺀَ ﮐﭙﯿﺖ ﮔﻤﺴﺎﺭ
ﺭﻩ ﭼُﺸﯿﮟ ﻗﻮﻡ ﺀِ ﮔﺎﺭ ﻭ ﺑﯿﮕﻮﺍﻩ ﺍﻧﺖ
ﭼﻮﻥ ﮔﯿﺸّﯿﺖ ﭘﻠﭙﻞ پُٹﺀِ ﮔﯿﻮﺍﺭ
ﺑﮕّﯽ ﺟﮍ ﺳﻮﺕ ﻭ ﺑﺮّ ﻭ ﺑﮯ ﮔﻮﻣﺴﯿﮟ
ﺩﯾﺮﺳﺮﯾﮟ ﭘﻨﺪﺍﮞ ﻧﮑﺸﯿﺖ ﺑﺎﺭ
ﺑﺎﺭ ﻫــﻤﺎ ﺟﻮﮔﯿﻦ ﻟﯿﮍﻭ ﺯﯾﺮ ﺍﻧﺖ
ﮐﺎﺭ ﻧﻪ ﺍﻧﺖ ﮐﻮﺍﺭّﻭﮐﯿﮟ ﮐﻮﺍﭨﯽ ﮐﺎﺭ
ﻣَﮯ ﺩﻭﺍ ﺳﻮﭼﮓ ﻭ ﺳﺎﭼﮓ ﻭ ﺻﺒﺮ ﺍﻧﺖ
ﺑﺎﺯ ﺑﺮﺀَ ﺩﺍﮒ ﺀَ ﺩﺭﺍﻩ ﺑﯿﺖ ﺑﯿﻤﺎﺭ
ﺑﻠﮑﻨﺎ ﺭﻭﭼﮯ ﻟﯿﭧ ﮐﻨﺖ ﮔﺮﺩﻭﻥ
ﮔﻮﺵ ﮐﻨﺖ ﺭﻭﭺ ﺍﺯ ﮔﻮﺷﻪ ﺀِ ﮐُﻬﺴﺎﺭ
ﺩﺍﮞ ﻫــﻤﺎ ﺣﺪ ﺀَ ﮐﻨﯿﮟ ﺻﺒﺮﺀَ
ﺑﺮ ﺑﺪﻧﺖ ﻭﺷّﯿﮟ ، ﮐﭽّﻠﯿﮟ ﮈﯾﮉﺍﺭ
ﮐﻮﻩ ﻭ ﮐﻨﮉﮒ ﺍﮮ ﺭﻫﺴﺮ ﺀَ ﺑﺎﺯأﻧﺖ
ﭼﯿﻞّ ﻭ ﺁﺑﺪِﺭّ ﻭ ﮔﺮﯾﺸﮓ ﺍﻧﺖ ﭘُﺮ ﺧﺎﺭ
ﭘﺸﺖ ﺍﮮ ﮐﻮﻫﺎﮞ ﮈﻥّ ﮐﯿﺖ ﭘﺮﺍﻫﯿﮟ
ﺗﭽﮏ ﺑﯿﺖ ﺁﺧﺮ ﺭﺍﻩ ﻧﺎﻫــﻤﻮﺍﺭ
ﺗﻨﮓ ﻭ ﺯﯾﻦ ﺗﺎﺯﯼ ﮐُﺮّﮔﺎﮞ ﮐﺠﯿﺖ
ﻣﺎﺩﻧﯿﮟ ﺭﺍﻩﺀِ ﭼﻨﻨﺖ ﺭﻫﻮﺍﺭ
ﺭﻭﭺ ﻧﺒﯿﺖ ﭼﯿﺮ ﺟﻤﺒﺮﺍﮞ ﭘﻨﻬﺎﻥ
ﺷﺎﻝ ﻣﺪﺍﻡ ﻫــﻢ ﻧﺮﺥ ﻧﺒﯿﺖ ﮔﻮﮞ ﺷﺎﺭ
ﻇﻠـﻢ ﺭﻭﺕ ﺑﺮﺯﺍ ﻭ ﭘﺪﺍ ﺗﺮّﯾﺖ
ﺍﯾﺮ ﮐﭙﮯ ﻫﺴﺖ ﺍﻧﺖ ﺳﺮﮐﭗﺀَ ﻧﺎﭼﺎﺭ
ﻫﺮ ﻭﻗﺖ ﮐﻪ ﻧﻮﺑﺖ ﭼﮏ ﺟﻨﺖ ﺯﻭﺭ ﺀِ
ﺗﺮﺳﯿﺖ ﭼﻪ ﻟﻨﮕﯿﮟ ﻣﻮﺭﯼ ﺀَ ﺳﯿﻪ ﻣﺎﺭ
ﭘﻮﮌﮮ ﮐﻪ ﺷﺎﻧﮑﯽ ﺩﻧﺖ ﺟﻨﻮﺯﺍﻣﮯ
ﻗﺪﺭ ﯾﮏ ﺑﻤﺐ ﻫﺴﺘﻪ ﺍﯼ ﮐﻨﺖ ﮐﺎﺭ
ﺩﻩ ﮔﺪﺍ ﺑﺎﺯﺍﺭ ﺀَ ﺟﻨﻨﺖ ﻓﺮﯾﺎﺩ
ﮔﻨﮓ ﺑﯿﺖ ﺟﻮﺍﺏﺀَ ﺗﻮﭖ ﺁﺗﺸﺒﺎﺭ
ﮐﺪ ﮐﺪﯼ ﺑﯿﺖ ﮐﻪ ﺟﻪ ﺑﺠﻨﺖ ﺍﺳﺘﯿﻦ
ﮊﻧﺪ ﺑﮑﻨﺖ ﮐﻮﻩ ﻭ ﮐﻮﭼﮕﺎﮞ ﺳﺮﮔﻮﺍﺭ
ﺳَﻨﺪﮒ ﻭ ﺑﯿﭧ ﻭ ﮐﻬﭽﺮ ﻭ ﺯﯾﺪﺍﮞ
ﯾﮑﺒﺮﺀَ ﻫــﻤﺪﺳﺖﺀَ ﺑﻤﻠّﯿﺖ ﻫﺎﺭ
ﺁﺩﺭﻭﯾﮟ ﮐﯿﻠّﮓ ﻣَﮯ ﭘﺪﺍ ﺗﺮﮐّﻨﺖ
ﭘُﻞّ ﺑﻨﺖ ﻭﻝّ ﻭ ﮔﺐّ ﺑﻨﺖ ﺗﯿﺠﺎﺭ
ﺑﯿﺮّ ﺑﻨﺖ ﮐﻮﺭﺍﻧﯽ ﮐُﻨﺮ ﺳﺒﺰﯾﮟ
ﻣِﻨﺞ ﺑﻨﺖ ﺳﻮﻝ ﻭ ﺷﺎﺥ ﺟﻨﺖ ﻟﯿﻮﺍﺭ
ﺗﭙﺖ ﺭﻭﺕ ﻭﺷﮑﻮﺷﯿـﮟ ﺑﻬﺎﺭﮮ ﮐﯿﺖ
ﺑﯿﺖ ﺟﻬﺎﻥ ﺳﺒﺰ ﻭ ﺧُﺮّﻡ ﻭ ﮔﻠﺰﺍﺭ
ﭘﺮ ﻫــﻤﺎ ﻭﺷّﯿﮟ ﺭﻭﭺ ﺀِ ﺍﻣﯿﺪﺀَ
ﺗﻮﮐﻞ ﭘﻪ ﺭﺏّءِ ﻭﺍﺣﺪﺍﻟﻘَﻬّﺎﺭ
ﺣﻖ ﺀِ ﺁﻭﺍﺯ ﺍﻧﺖ ﮔﻮﺍﻧﮏ ﻋﺒﺪﺍﻟﻠﻪ
ﺗﻮ ﺍﮔﺮ ﻭﺍﺑﯿﻨﮓ ﻧـﺌـﮯ ﮔﻮﺷﺪﺍﺭ