سلام ءُ دروت باسکاں !
اُمیت انت شما وش ءُ دراہ اِت۔
چَہ باسک لبزانکی دیوان ءِ نیمگ ءَ ھالتران ءِ یک نوکیں سرھالے بنگیج کنگ بَیگ اِیں کہ ایشی ءِ تہ ءَ بلوچی زبان ءِ نامداریں ندکار، شائر، زبان زانت ، کواس، یا زند ءِ کجام ھم پڑءَ پہ بلوچ یا بلوچی ءِ دیمروئ ءَ جُہد کنوکیں مردمانی انٹرویو یا ھالترانے شنگ کنگ بیت۔
بلے اے ھالتران چَہ اے دگراں اے ھساب ءَ جتا بیت انت کہ ایشی ءِ تہ ءَ اول سرءَ باسک ءِ کاگشاد گوں آ مردماں جُست پُرس کنت ءُ باسک ءِ دیوان ءَ ھالترانءَ شنگ کنت۔ رند باسکاں ھم اجازت بیت انت کہ وتی جُستاں ھمے سرھال ءِ چیر ءَ ایر بہ کن انت تاں رند ءَ اے جُست یکجاہ کنگ ءُ دیم ءِ مردم ءَ دیم دَیگ بہ بنت۔ وھدے کہ باسکانی جُست ءِ پسّو دیم ءَ کاینت گُڑا آ ھم باسک ءِ سرءَ شنگ کنگ بنت۔ چَہ باسکاں دزبندی یے کہ انچیں جُست ایر مہ کن ات کہ دیم ءِ مردم ءِ کم شرپی بِہ بیت۔
اُمیت انت کہ شمارا اے سلسلہ دوست بیت اِنت ءُ ایشی ءِ تہ ءَ شرتریں رنگے ءَ بَہر زورگ ءِ جُہد کن اِت۔
اے سلسلہ ءِ اولی نامداریں مردم بلوچی زبان ءِ نامداریں مردم واجہ اکبر بارکزئ اِنت۔ آئ ءِ گوں باسک ءِ کارگشاد ءَ بیتگیں ھالتران شمئے دیم ءَ اِنت۔ وتی چمشانک ءَ الّم ءَ بہ دَئیت۔
شمئے چمشانک ءِ رَھچار
زانت ءِ پڑءَ چَہ شما کستر ءُ کمتر
زاھدہ رئیس راجی
