Author Topic: پـیـرَزال ءِ واب  (Read 1606 times)

0 Members and 1 Guest are viewing this topic.

Offline Adabi Hakim ادبی ھکیم

  • Balochi Zaantkaar
  • ***
  • Posts: 1183
  • Karma: 44
پـیـرَزال ءِ واب
« on: December 06, 2018, 12:42:03 AM »
رجـانـکـار : ادَبـی هَـکـیـم
پـیـرَزالـے هُـدا ءَ مـاں واب دیـسـت پـیـرَزال ءَ گـوَشـت اَے هُـدا مَـن مـاں وَتـی لـوگ ءَ سَـکّ ایـوَک آں تـو مـنـی لـوگ ءَ کـایـے ءُ مـنـی مِـهـمـان بـئـے ؟!!!.. هُـدا ءَ پـیـرَزال ءِ گـَـپ مَـنّ اِت ءُ گـُـوَشـت مـن بـانـدات تـئـی لـوگ ءَ کـایـاں ، سُــهـب ءَ پـیـرَزال زوُت چـہ واب ءَ پـاداتـک ءُ اِشـتـاپ اِشـتـاپ وَتـی لـوگ ءِ روپَـگ ءُ سَـپـا کـنَـگ ءَ لَـگّ اِت آئـی ءَ وَشّتـامـیـں وَراک جـواں کـُـرت ءُ چـہ بـازار ءَ شَـرّیـں نَـگـَـن گِـپـت ءُ آورت ءُ رَنـدا هُـدا ءِ آیَـگ ءِ وَدار ءَ نِـشـت .
یَـکـّـےءَ لـوگ ءِ دَروازَگ ٹـُـکّ اِت پـیـرَزال گـَـل ءَ بـال بـوُت ءُ دَروازَگ ءِ پَـچ کـَـنَـگ ءَ شُـت بـلـے آ هُـدا نـہ اَت یَـک نـیـزگـاریـں پِـنـڈوکـے اَت پِـنـڈوک ءَ گـوَشـت بـی بـی مـن سَـکّ گـُـژنَـگ آں مـن ءَ وَراک بـہ دَئـے پـیـرَزال پـنـڈوک ءِ سَـرءَ زَهـر گِـپـت ءُ دَروازَگ ءِ مُـهـر بَـسـت نـیـم کـَـلاک ءَ رَنـد پَـدا یَـکـّـےءَ لـوگ ءِ دَروازَگ ٹـُـکّ اِت پـیـرَزال ءَ گـُـشـاد گـُـشـاد لـوگ ءِ دَروازَگ پَـچ کـُـرت بـلـے اِے بَـر ءَ دَروازَگ ءِ دَپ ءَ یَـک گـُـوَنـڈیـں زَهـگـے چـہ سـارتـی لَـرزَگءَاَت زَهـگ ءَ گـوَشـت بـی بـی مـن ءَ سَـکّ گـُـوَهـر کـنَـگءَاِنـت تـو مـن ءَ مـاں وَتـی لـوگ ءَ بـہ نِـنـدیـں تـاں مـن گـَـرم بـہ گِـرآں پـیـرَزال ءَ لـوگ ءِ دَروازَگ بَـنـد کـُـرت ءُ نِـشـت کـَـلاکـے ءَ رَنـد پَـدا یَـکـّـےءَ لـوگ ءِ دَروازَگ ٹـُـکّ اِت پـیـرَزال ءَ دَروازَگ پَـچ کـُـرت بَـلـے اِے بَـرءَ دَروازَگ ءِ دَپ ءَ یَـک پـیـرَزالـے اوشـتـاتـگ اَت پـیـرَزال ءَ گـوَشـت مـنـی زَهـگ مـاں لـوگ ءَ گـُـژنَـگ اَنـت تـو مـن ءَ چـیـزّے زَرّ بـہ دئـے مـن پـہ آیـاں وَراک زوُرآں پـیـرَزال وَ چـہ پـیـسَـر ءَ زَهـرءَ پُـرّاَت آئـیءَ پـیـرَزال ءِ سَـرءَ جـاک جَـت ءُ چـہ دَروازَگ ءِ دَپ ءَ گـَـلّـیـنـت رَنـدا شَـپ بـوُت ءُ هُـدا نَـیـاتـک.
پـیرَزال سَـکّ نـاراز بـوُت ءُ واب کـَـپـت شَـپ ءَ پَـدا هُـدا مـاں پـیـرَزال ءِ واب ءَ آتـک پـیـرَزال هُـدا ءِ سَـر ءَ زَهـر گِـپـت ءُ گـوَشـت زانـاں تـو مـن ءَ کـَـول نـہ داتَـگ اَت کـہ تـو مـروچـی مـاں مـنـی لـوگ ءَ کـایـے ؟!!!...           
هُـدا ءَ بـچـکـَـنـداِت ءُ گـوَشـت بـلـہ مـن تـرا کـَـول داتَـگ اَت ءُ مـن سَـے بَـرءَ آتـک ءُ تـئـی لـوگ ءِ دَروازَگ ٹـُـکّ اِت بـلـے تـو مـن ءَ مـاں وَتـی لـوگ ءِ تَـہ ءَ پُـتـرَگ ءَ  نـہ اِشـت !!!...
آ کـَـسـانـے کـہ پـہ هُـدا ءِ آگـاهـی بَـروسَـہ کـن اَنـت آرام وَپـس اَنـت .
هُـدا ءَ گـُـوشـتَـگ وَپـسَـگ ءَ پـیـش تـو هَـرچـکـَـس ءِ رَدیـان پَـهِـلّ ءُ دَرگـُـوَز بـہ کـن ءُ تـئـی پـادآیَـگ ءَ پـیـش مـن تـئـی رَدیـاں پَـهِـلُ دَرگـوَز کـن آں.
اَے هُـدا آ چـیـزّے کـہ تـو مـن ءَ داتَـگ مـن تـئـی شُـکـر ءَ گِـرآں ءُ آ چـیـزّے کـہ تـو مـن ءَ نـہ داتَـگ مـن آئـی ءِ بـارَوا پـگـر نـہ کـن آں ءُ آ چـیـزّے کـہ تـو چـہ مـن پَـچ گِپـتَـگ مـن آئـی ءَ یـات نـہ کـن آں پَـرچـے کـہ آ چـیـزّے کـہ تـو مـن ءَ داتَـگ مـنـی روزیـگ بـوُتـگ ءُ آ چـیـزّے کـہ تـو مـن ءَ نـہ داتَـگ تـئـی وَتـی هِـکـمَـت بـوُتـگ ءُ آ چـیـزّے کـہ تـو چـہ مـن پَـچ گِـپـتَـگ یَـک اِبـرَتـے پـہ مَـن بـوُتـگ ، اَے هُـدا آ چـیـزّے کـہ پـہ مـن ءُ مـنـی دوسـتـاں هَـیـراِنـت آ چـیـزّ ءَ مـنـی ءُ مـنـی دوسـتـانـی کِـزمَـت بـہ کـن ءُ آ چـیـزّے کـہ پـہ مـن ءُ مـنـی دوسـتـاں سِـلّ اِنـت آئـی ءَ چـہ مـن ءُ مـنـی دوسـتـاں دوُر بـدار.
مَـنـی دَسـت پـہ وَتـی واهَـگ ءُ تَـگـواه نـہ رَس اَنـت پَـرچـے کـہ آ چـہ مَـن سَـکّ دوُراَنـت بـلـے مـن ءَ اَمـیـتـے هَـسـت ، دُوایـے هَـسـت ،  هُـدایـے هَـسـت ....
[/b]